scorecardresearch

Premium

पुणे महापालिकेतील समाविष्ट गावांतील रहिवाशांना दिलासा; मालमत्ता करात ४० टक्के सवलतीसाठी ३१ जानेवारीपर्यंत मुदत

सामाविष्ट गावातील मिळकतधारकांना सवलतीसाठी ३१ जानेवारीपर्यंत अर्ज करता येणार आहेत.

pune municipal corporation, property tax 40 percent off scheme, newly added villages of pune district
पुणे महापालिकेतील समाविष्ट गावांतील रहिवाशांना दिलासा; मालमत्ता करात ४० टक्के सवलतीसाठी ३१ जानेवारीपर्यंत मुदत (संग्रहित छायाचित्र)

पुणे : महापालिका हद्दीत समाविष्ट झालेल्या २३ गावांतील मिळकतींनाही कर आकारणी सुरू झाल्याने या गावातील निवासी मिळकतींना मिळकतकरातील ४० टक्क्यांची सवलत योजना लागू करण्यात आली आहे. त्यासाठी समाविष्ट गावातील मिळकतधारकांना सवलतीसाठी ३१ जानेवारीपर्यंत अर्ज करता येणार आहेत. दरम्यान, महापालिकेने यापूर्वीच शहराच्या जुन्या हद्दीसाठी या योजनेला ३० नोव्हेंबरपर्यंत मुदतवाढ दिली आहे.

समाविष्ट गावातील मिळकतींच्या नोंदी ठेवण्याची प्रक्रिया महापालिका प्रसासनाकडून सुरू करण्यात आली आहे. मांजरी, वाघोली, सूस-म्हाळुंगे, बावधन आदी भागात मोठ्या प्रमाणावर नागरीकरण झाले असून येथील मिळकतींची संख्याही अन्य गावांच्या तुलनेत जास्त आहे. त्यामुळे येथील मिळकतींच्या नोंदी ठेवण्याच्या कामाला विलंब होत असून ग्रामपंचायतीकडे असलेल्या नोंदीनुसार मिळकतींची महापालिकेच्या नियमानुसार कर निश्चिती केली जात आहे. त्यासाठी मिळकत शोधून त्याला नोटीस दिली जात असून सुनावणी घेण्यात येत आहे.

Aditi Tatkare
रायगडमध्ये निधीच्या विनियोगात मंत्री आदिती तटकरे पिछाडीवर
There is a threat of disruption of electricity supply in the state due to the agitation of the contractual electricity workers
राज्यातील वीज पुरवठा विस्कळीत होण्याचा धोका!; कंत्राटी वीज कर्मचाऱ्यांचे आंदोलन तीव्र
‘ब’ मळीपासून इथेनॉल निर्मितीसाठी पवारांचे शहांना पत्र!
solar energy in interim budget
Budget 2024 : सौरऊर्जेसाठी १० हजार कोटी

हेही वाचा : पुण्यातील वाड्यांच्या पुनर्विकासाला गती…महापालिकेने घेतला ‘हा’ महत्वपूर्ण निर्णय

समाविष्ट गावातील मिळकतींना टप्प्याटप्प्याने कर आकारणी केली जाणार असून त्यांनाही मिळकतकरातील ४० टक्क्यांची सवलत लागू करण्यात आली आहे. त्यासाठी येथील मिळकतधारकांना पीटी-३ अर्ज भरावा लागणार आहे. मात्र कर निश्चितीची प्रक्रिया सुरू असल्याने या योजनेचा लाभ घेण्यासाठी ३१ जानेवारीपर्यंतची मुदत देण्यात आली आहे.

हेही वाचा : पुण्याच्या वेगवेगळ्या भागांतून दुचाकी चोरणारा गजाआड; पाच दुचाकी जप्त

समाविष्ट गावात एकूण २ लाख ९३४ मिळकती असून, निवासी मिळकतींची संख्या १ लाख ८२ हजार १६४ एवढी असून, १४ हजार ३५१ व्यावसायिक मिळकती आहेत. मिश्र वापराच्या ३ हजार ७१९ मिळकतींची नोंद महापालिका प्रशासनाकडे आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Pune pmc property tax 40 percent off scheme for newly added villages of district 31 january is deadline to apply for the scheme pune print news apk 13 css

First published on: 17-11-2023 at 14:42 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×