पुणे : फूड डिलिव्हरी बॉयचे अल्पवयीन मुलीसोबत अश्लील कृत्य; सीसीटीव्हीच्या आधारे आरोपीला ठोकल्या बेड्या

पोलिसांनी दिलेल्या माहितीनुसार, पुण्याच्या बावधन येथील एका सोसायटीमध्ये आरोपी निखिल विलास भालशंकर हा फूड डिलिव्हरी करण्यासाठी गेला होता. त्याच वेळेस त्या सोसायटीमध्ये राहणारी आठ वर्षी मुलगी खेळून घरी परतत होती. तेव्हा, आरोपी निखिलने तिला थांबवून हाताने अश्लील कृत्य करत हस्तमैथुन करण्यास सांगितले. त्यानंतर घडलेला सर्व प्रकार मुलीने घरी सांगितला. घरातील व्यक्ती आणि इतरांनी आरोपीचा शोध घेतला पण तो पसार झाला होता.

सोसायटीमधील सीसीटीव्ही फुटेमध्ये आरोपी झोमॅटोचा डिलिव्हरी बॉय असल्याचं पुढे आलं. त्यानंतर आरोपीला पुन्हा बोलावून त्याला हिंजवडी पोलिसांच्या ताब्यात देण्यात आलं आहे. या प्रकरणाचा अधिक तपास सहाय्यक पोलीस निरीक्षक सपना देवतळे या करत आहेत.