देखावे पाहण्यासाठी आलेल्या एकाची रिक्षा चाेरीला, शनिवारवाडा परिसरातील घटना

याबाबत एका रिक्षाचालकाने विश्रामबाग पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला. पोलिसांनी दिलेल्या माहितीनुसार, रिक्षाचालक कुटुंबीयासोबर रविवारी (३१ ऑगस्ट) दुपारी देखावे पाहण्यासाठी आला होते. त्याने शनिवारवाडा परिसरात रिक्षा लावली. चोरट्यांनी बनावट चावीचा वापर करुन रिक्षा चोरून नेली. देखावे पाहून रिक्षाचालक तेथे आला. तेव्हा रिक्षा जागेवर नसल्याचे आढळून आले. त्यानंतर त्याने पोलिसांकडे तक्रार दिली. चोरीला गेलेल्या रिक्षाची किंमत ७५ हजार रुपये असल्याचे फिर्यादीत म्हटले आहे. पोलीस हवालदार कोकाटे तपास करत आहेत.

शनिवारवाडा परिसरात दुचाकी लावून देखावे पाहण्यासाठी गेलेल्या एका तरुणाची दुचाकी चोरून नेल्याची घटना घटना घडली. याबाबत एका तरुणाने फरासखाना पोलीस ठाण्यात फिर्याद दिली आहे. तक्रारदार तरुण वाकड परिसरात राहायला आहे. शनिवारी (३० ऑगस्ट) तरुण मित्रासाेबत देखावे पाहण्यासाठी आला होता. शनिवारवाडा परिसरातील सूर्या हाॅस्पिटजवळ त्याने दुचाकी लावली. दुचाकी चोरून चोरटे पसार झाले. पोलीस हवालदार मानमाेडे तपास करत आहेत.