भारती विद्यापीठ परिसरात अनोळखी व्यक्तीचा खून

पोलिसांनी दिलेल्या माहितीनुसार, भारती विद्यापीठ परिसरातील आंबेगाव पठार भागात एका बांधकाम सुरू असलेल्या इमारतीच्या पहिल्या मजल्यावर अनोळखी व्यक्ती मृतावस्थेत पडल्याची माहिती पोलिसांना मिळाली. पोलीस उपायुक्त विवेक मासाळ, सहायक आयुक्त राहुल आवारे, वरिष्ठ पोलीस निरीक्षक सावळाराम साळगावकर यांनी घटनास्थळी भेट दिली. खून झालेल्या व्यक्तीच्य डोक्यावर तीक्ष्ण शस्त्राने वार करण्यात आल्याचे आढळून आले. खूनामागचे कारण समजू शकले नाही. खून झालेली व्यक्ती बांधकाम मजूर असल्याचा संशय पोलिसांनी व्यक्त केला आहे. गुन्हे शाखेचे पोलीस निरीक्षक राहुलकुमार खिलारे तपास करत आहेत.