पुणे: कल्याणीनगरमध्ये तरुणीचा मोबाइल हिसकावणारे चोरटे गजाआड; मोबाइल चोरीचे आणखी गुन्हे उघड

कल्याणीनगर भागात महिलेची पिशवी हिसकावून पसार झालेल्या चोरट्यांना येरवडा पोलिसांनी अटक केली. चोरट्यांकडून सात मोबाइल संच आणि दोन दुचाकी जप्त करण्यात आल्या आहेत.अदित्य उर्फ बच्चू भारत जाधव (२०, रा. वडगाव शेरी), राज महेश कांबळे (२१, रा. येरवडा) अशी अटक करण्यात आलेल्या चोरट्यांची नावे आहे. येरवड्यातील कल्याणीनगर भागात तरुणी आणि मैत्रीण निघाली होती. त्या वेळी दुचाकीस्वार चोरट्यांनी तिच्याकडील मोबाइल संच हिसकावून नेला होता. पोलिसांकडून या गुन्ह्याचा तपास करण्यात येत होता.आरोपी जाधव हा तरुणीचा मोबाइल संच वापरत असल्याची माहिती तांत्रिक तपासात मिळाली. त्यानंतर पोलिसांनी जाधवला पकडले. चौकशीत साथीदाराचे नाव निष्पन्न झाले.