लोकसत्ता प्रतिनिधी
पुणे : भरधाव टेम्पोच्या धडकेत दुचाकीस्वार महाविद्यालयीन तरुणाचा मृत्यू झाल्याची घटना उत्तमनगर परिसरात घडली. याप्रकरणी टेम्पोचालकाविरुद्ध उत्तमनगर पोलिसांनी गुन्हा दाखल केला.
यश सुरेश तनपूरे (वय २१, रा. उत्तमनगर) असे मृत्युमुखी पडलेल्या तरुणाचे नाव आहे. याबाबत यशचा मित्र निखिल वानखेडे (वय २०, रा. उत्तमनगर) याने उत्तमनगर पोलीस ठाण्यात फिर्याद दिली आहे. दुचाकीस्वार यश आणि निखिल सोमवारी सकाळी पावणेआठच्या सुमारास महाविद्यालयात निघाले होते. उत्तमनगर परिसरात भरधाव टेम्पोने दुचाकीला धडक दिली. अपघातात दुचाकीस्वार यश गंभीर जखमी झाला.
आणखी वाचा-पुणे : पाण्याविना नवीन गृहप्रकल्प कशासाठी?
अपघातानंतर घटनास्थळी न थांबता टेम्पोचालक पसार झाला. गंभीर जखमी झालेल्या यशला तातडीने खासगी रुग्णालयात दाखल करण्यात आले. उपचारांपूर्वीच तो मरण पावला होता. अपघातानंतर पसार झालेल्या टेम्पोचालकाचा शोध घेण्यात येत असून, सहायक पोलीस निरीक्षक अमृता चवरे तपास करत आहेत.
