International Yoga Day 2023 पुणे: धर्मेंद्र प्रधान, चंद्रकांत पाटील यांचा परदेशी पाहुण्यांसह ‘योग’

गेल्या काही वर्षांपासून २१ जून हा दिवस आंतरराष्ट्रीय योग दिन म्हणून साजरा करण्यात येतो. या अंतर्गत शारीरिक आणि मानसिक तंदुरुस्तीसाठी योगासने करण्यात येतात. या पार्श्वभूमीवर आज आंतरराष्ट्रीय योग दिन सावित्रीबाई फुले पुणे विद्यापीठाच्या खाशाबा जाधव क्रीडा संकुलात साजरा करण्यात आला. जी-२० परिषदेसाठी विविध देशांतून आलेले प्रतिनिधीही त्यात उत्साहाने सहभागी झाले. केंद्रीय शिक्षण मंत्री धर्मेंद्र प्रधान आणि राज्याचे उच्च व तंत्रशिक्षणमंत्री चंद्रकांत पाटील, विद्यापीठाचे कुलगुरू प्रा. सुरेश गोसावी या वेळी उपस्थित होते.