डॉ. सारिका सातव साहित्य * खजूर एक ते दीड वाटी * गुलकंद २ मोठे चमचे * खिसलेले खोबरे दीड वाटी * वेलची पूड पाव चमचा. कृती खजूर बी काढून स्वच्छ करावेत. बारीक कुस्करून घ्यावे. गुलकंद, खोबरे, वेलची व खजूर एकत्र करून चांगले मळून घ्यावे. मिश्रण एकसंध झाल्यावर छोटे छोटे लाडू करावेत. वैशिष्टय़े काहीही न शिजविता बनणारा पौष्टिक पदार्थ, रक्त कमी असणे, गर्भिणी, स्तनदा माता, लहान मुले, कृश व्यक्ती, पौगंडावस्थेतील मुले व मुली, क्षयरोग इ. अनेक ठिकाणी अतिशय उपयुक्त. पित्त कमी होण्यास उपयुक्त. आबालवृद्धांना चालणारा, जास्त दिवस टिकत असल्याने प्रवासातही उपयुक्त, लहान मुलांना छोटय़ा सुट्टीसाठी देता येऊ शकणारा उत्तम व पौष्टिक पदार्थ, लोह, तंतूमय पदार्थ व जीवनसत्त्व भरपूर.
