खवय्यांनो, ओट्स-मूगडाळपासून बनलेला हेल्दी दहीवडा खाल्ला का? ही सोपी रेसिपी नोट करा

हेही वाचा : उन्हाळ्यात प्या हेल्दी ज्यूस, बीट-गाजर ज्यूस कसा बनवायचा ? पाहा सोपी रेसिपी

साहित्य –

वड्याकरिता

• भाजून पूड केलेले ओट्स अर्धा कप
• उडीद डाळ पाव कप
• मूगडाळ अधा कप
• हिरवी मिरची १
• कडीपत्ता ३-४ पाने
• आलं १ छोटा तुकडा
• मीठ चवीनुसार
• तेल तळण्याकरिता

दह्याच्या मिश्रणाकरिता

• दही १ कप
• साखर १ चमचा
• मीठ चवीनुसार
• जिरे पूड पाव चमचा
• लाल तिखट पाव चमचा

हेही वाचा : Mixed Dal Kheer : गोड आणि हेल्दी खायचंय? मग अशी बनवा मिश्र धान्यांची खीर

कृती –

• उडीद डाळ आणि मूगडाळ स्वच्छ धुऊन रात्रभर पाण्यात भिजत ठेवा. दुसऱ्या दिवशी सर्व पाणी काढून मिक्सरमध्ये बारीक वाटून घ्या.
• भांड्यामध्ये काढून झाकण ठेवून तीन-चार तासांकरिता ठेवा.
• त्यानंतर त्यामध्ये ओट्स पावडर आणि मीठ घालून ठेवा.
• ५ मिनिटांनंतर त्यामध्ये हिरवी मिरची, कडीपत्ता, आलं घालून पुन्हा एकदा मिक्सरमधून काढा.
• वड्याचा आकार देऊन तळून घ्या. नंतर पाण्यात घालून हाताने दाबून घ्या. दह्यामध्ये साखर, मीठ, जिरे पूड आणि लाल तिखट एकत्र करा.
• वड्यावर हे दही घाला.
• १० मिनिटे फ्रिजमध्ये ठेवून खाण्यास द्या.