नाद खुळा असा झणझणीत कोल्हापुरी मटणाचा ‘तांबडा रस्सा’ एकदा पिऊन बघाच; ही घ्या रेसिपी

मटण फोडणी चे साहित्य

• १ मोठा कांदा
• १/२ टेबलस्पून हळद
• १ टेबलस्पून मीठ
• १/२ किलो मटण
• १ आणि १/२ टेबलस्पून तेल
• ताबंडा रस्सा बनवण्याचे साहित्य
• १/२ वाटी सुके खोबरे
• १५-२० लसूण पाकळ्या
• १ इंच आले
• १ टेबलस्पून जिरे
• १ आणि १/२ टेबलस्पून धने
• १ टेबलस्पून पाढंरे तिळ
• १ टेबलस्पून खसखस
• १ कांदा
• १ मसाला वेलची
• १ दालचिनी तुकडा
• १ चक्रीफूल
• २ हिरवी वेलची
• ४ लवंगा
• २-३ टेबलस्पून तेल
• ४ टेबलस्पून कांदालसूण मसाला

मटण ताबंडा रस्सा कृती

स्टेप १
मटण स्वच्छ धूवून घ्यावे आणि त्यात हळद मीठ घालून घ्यावे व चोळून ठेवावे. पातेल्यात एक टेबलस्पून तेल घालून बारीक चिरलेला एक कांदा घालून परतवावे.

स्टेप २
कांदा ट्रान्सपरंट झाला की त्यात मटण घालून चांगले हलवावे व झाकण ठेवून शिजू द्यावे. वरती ताट झाकून त्या ताटात पाणी ओतावे. मीठ घातल्याने पाणी सुटते. दहा मिनिटे ठेवावे नंतर ताटातले पाणी गरम झालेले ते पातेल्यात ओतावे व पुन्हा ताटात नवे पाणी घालावे. असे किमान दोन तीन वेळा करावे. नंतर मटण हाताने तोडून पहा.

स्टेप ३
आता मसाला बनवण्याकरिता खोबरे काप करून भाजून घ्या सर्व मसाले म्हणजे जीरे,धने,तीळ,खसखस खडा मसाला सर्व भाजून घ्या आणि मिक्सरमध्ये वाटून घ्यावे

स्टेप ४
पाणी घालून वाटन एकदम बारिक वाटावे. आता मटण आणि आळणी रस्सा बाजूला काढून घ्यावे. आळणी सूप लहान मुलांना तसेच मोठ्याना ही प्यायला दिला जातो.

स्टेप ५
आता पातेल्यात दोन तीन टेबलस्पून तेल ओतावे तेल तापले की त्यात तयार मसाला घालून परतवावे नंतर त्यात कांदालसूण मसाला घालून परतवावे. तेल बाजूने सुटेपर्यंत हलवावे.

स्टेप ६
तेल सुटू लागले की त्यात आळणी सूप आणि मटनाचे पिस घालून घ्यावे.

हेही वाचा >> एकाच चवीचं मटण खाऊन कंटाळलात? मग रविवारी बनवा झणझणीत ‘बंगाली स्पेशल मटण करी’, ही घ्या रेसिपी

स्टेप ७
मसाला गरम असल्याने रस्सा बनवण्याचे पाणी गरमच घालावे. आणि छान उकळू द्यावे. आता चवीनुसार मीठ घालून घ्यावे व किमान दहा मिनिटे उकळावे. सर्वात शेवटी कोथिंबीर घालून गॅस बंद करावा. भाकरी सोबत रस्सा छान लागतो.लिंबू पिळून एक एक घोट प्यायला मजा येते.