कॉमेडियन,लेखिका सारा सिल्व्हरमॅन यांनी OpenAI आणि Meta वर दाखल केला खटला, नेमके प्रकरण काय ?

मात्र या AI जनरेटिव्ह टूल्सनी कॉपीराईट समस्यांबद्दल अनेकदा प्रश्न उपस्थित केले आहेत. ज्या डेटाच्या आधारे त्यांना प्रशिक्षित करण्यात आले होते तो डेटा मानवाने तयार केलेला होता. यामध्ये असा काही डेटा असतो जो कॉपीराईट कायद्यांद्वारे संरक्षित करण्यात करण्यात येतो. लेखकाच्या किंवा त्या डेटा ज्याच्या मालकीचा आहे त्याच्या परवानगीशिवाय याचा वापर केल्यास त्यावर खटला दाखल केला जाऊ शकतो. कायदेशीर कारवाई केली जाऊ शकते. AI जनरेटिव्ह टूल्सच्या बाबतीत अशीच एक घटना घडली आहे. याबाबतचे वृत्त Business Today ने दिले आहे.

हेही वाचा : काही तासांतच Threads चे ‘एवढे’ मिलियन युजर्स; ट्विटर, इन्स्टाग्रामला किती कालावधी लागला? वाचा…

कॉमेडियन, लेखिका सारा सिल्व्हरमॅन ( Sarah Silverman ) यांनी मार्क झुकरबर्ग यांच्या मेटा आणि चॅटजीपीटीची मूळ कंपनी ओपनएआयवर त्यांचा कंटेंट कोणत्याही परवानगीशिवाय वापरल्याबद्दल खटला दाखल केला आहे. कॉमेडियन आणि लेखिका सारा सिल्व्हरमॅन यांनी he Bedwetter हे पुस्तक लिहिले आहे. चॅटजीपीटीने त्यांच्या पुस्तकातील सारांश सांगितला मात्र त्यांनी कधीही चॅटबॉटला प्रशिक्षित करण्यासाठी ओपनएआयला त्यांच्या पुस्तकातील कंटेंट वापरण्याची परवानगी दिली नाही असे सारा सिल्व्हरमॅन यांचे म्हणणे आहे.

OpenAI वर खटला दखल करणाऱ्या सिल्व्हरमन या काही एकमेव लेखिका नाहीत. Ararat चे लेखक ख्रिस्तोफर गोल्डन आणि सँडमॅन स्लिमचे लेखक रिचर्ड कॅड्रे यांनी देखील त्यांच्या पुस्तकातील कंटेंट परवानगीशिवाय वापरल्याबद्दल कंपनीवर खटला दाखल केला आहे. तिन्ही लेखक आर्थिक नुकसानभरपाईसह ज्युरी ट्रायलची मागणी करत आहेत.

”सारांशामध्ये काही तपशील चुकीचे आहेत.” मात्र तरीही कळत आहे की ChatGpt ”प्रशिक्षण डेटासेटमध्ये महत्वाच्या गोष्टींबद्दल माहिती ठेवते”, असे दाखल करण्यात आलेल्या खटल्यात म्हणण्यात आले आहे.

हेही वाचा : ट्विटरकडे आहेत ‘हे’ भन्नाट फीचर्स, मेटा Threads मध्ये मात्र अजूनही उपलब्ध नाहीत, एकदा पहाच

चॅटजीपीटी व्यतिरिक्त, मार्क झुकरबर्ग यांच्या मेटाला देखील लेखकांकडून खटल्याचा सामना करावा लागत आहे. रॉयटर्सच्या एका अहवालामध्ये सांगण्यात आले होते की, मेटा विरुद्धच्या खटल्यात, फिर्यादींनी आरोप केला आहे की कंपनीच्या कृत्रिम बुद्धिमत्ता व्यवसायाबद्दल लीक झालेल्या माहितीनुसार असे समोर आले की, चे काम परवानगीशिवाय वापरले गेले होते.

अहवालामध्ये पुढे म्हटले आहे की, सिल्व्हरमॅन, कद्रे आणि गोल्डन यांनी मेटा आणि ओपनएआयने ‘त्यांच्या तथाकथित मोठ्या भाषेचे मॉडेल विकसित करण्यासाठी त्यांच्या पुस्तकांचा वापर परवानगीशिवाय केल्याचा दावा केला आहे.