iPhone १४ मुळे चर्चेत असलेल्या E-SIM चे होणारे नुकसान वेळीच ओळखा; अन्यथा फोन खरेदी केल्यानंतर होईल पश्चाताप| Identify the ESIM damage discussed by iPhone 14 in time; Otherwise you will regret after buying the phone | Loksatta

iPhone १४ मुळे चर्चेत असलेल्या e-SIM चे होणारे नुकसान वेळीच ओळखा; अन्यथा फोन खरेदी केल्यानंतर होईल पश्चाताप

भारतात iPhone १४ च्या सर्व मॉडेल्समध्ये ई-सिम तसेच फिजिकल सिम सपोर्ट उपलब्ध असेल. तर जाणून घ्या ई- सिमचे नुकसान

iPhone १४ मुळे चर्चेत असलेल्या e-SIM चे होणारे नुकसान वेळीच ओळखा; अन्यथा फोन खरेदी केल्यानंतर होईल पश्चाताप
photo(file photo)

अलीकडेच अॅपलने iPhone १४ सीरिजचे नवीन मॉडेल लाँच केले आहे. अॅपलने घोषणा केली आहे की यूएस मध्ये सर्व आयफोन १४ मॉडेल्समध्ये सिम-ट्रे स्लॉट नसेल. म्हणजे सर्व मॉडेल्समध्ये दोन्ही ई-सिम सपोर्ट देण्यात आला आहे. तसंच, भारतातील iPhone १४ च्या सर्व मॉडेल्सना ई-सिम तसेच फिजिकल सिम सपोर्ट मिळेल. पण तुम्हाला माहीत आहे का की ई-सिम चे देखील काही तोटे आहेत, चला याविषयी सविस्तर जाणून घेऊया.

जाणून घ्या e-SIM चे तोटे

घरी बसून ई-सिम बदलता येत नाही

ई-सिम बदलण्यासाठी तुम्हाला अधिकृत सेवा केंद्राला भेट द्यावी लागेल. म्हणजे जर तुम्हाला जिओ सिम घ्यायचे असेल तर तुम्हाला जिओ सर्व्हिस सेंटरला भेट द्यावी लागेल, जिथे तुम्हाला काही कागदपत्रांनंतर ई-सिम सक्रिय करावे लागेल.

( हे ही वाचा: ७९९९ किंमतीचा Realme Narzo 50i Prime भारतात लाँच; जाणून घ्या फिचर्स आणि बरंच काही..)

वारंवार फोन बदलू शकत नाही

तुम्ही वारंवार फोन बदलत राहिल्यास, ई-सिम असलेला स्मार्टफोन तुमच्यासाठी चांगला नाही. कारण प्रत्येक वेळी तुम्ही फोन बदलता तेव्हा तुम्हाला टेलिकॉम प्रोव्हायडरच्या अधिकृत केंद्रात जावे लागते, ज्यामुळे तुम्हाला समस्या निर्माण होऊ शकतात.

ई-सिम म्हणजे काय?

eSIM चा फुल फॉर्म एम्बेडेड सबस्क्राइबर आयडेंटिटी मॉड्यूल आहे. फोनमध्ये ई-सिम आधीच इनबिल्ट असते. म्हणजे ते पाहता येत नाहीत. यासाठी सिम ट्रेची आवश्यकता भासत नाही. तुमचा तपशील ई-सिममध्ये डिजिटल स्वरूपात अपलोड केला जातो. यासाठी फोनमध्ये अतिरिक्त जागेची आवश्यकता भासत नाही. अशा परिस्थितीत फोनचे वजन कमी करण्यासाठी स्मार्टफोन कंपन्यांना मदत मिळते. तसेच, ते फोनला अल्ट्रा-थिन डिझाइनमध्ये बनवण्यास मदत करते. सोप्या भाषेत सांगायचे तर ई-सिम हे अंतर्गत मेमरीसारखे आहे, ज्यामध्ये तुमचा डेटा सेव्ह केला जातो.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 14-09-2022 at 18:40 IST
Next Story
अबब.. मोटोरोलाने लाँच केला चक्क २०० मेगापिक्सेलचा ‘हा’ फोन, जाणून घ्या फीचर आणि किंमत