कल्याण-डोंबिवलीचे माजी महापौर शाहू सावंत यांचे बुधवारी हृदयविकाराच्या धक्क्याने निधन झाले. ते ६० वर्षांंचे होते. त्यांच्या पश्चात पत्नी, मुलगा, मुलगी, सून, नातवंडे असा परिवार आहे. निष्ठावान शिवसैनिक म्हणून ते ओळखले जात. डोंबिवली परिसरात शिवसेना स्थापन व वाढविण्यात त्यांचा मोलाचा वाटा होता. शाहू सावंत पहिल्या लोकप्रतिनिधी राजवटीत नगरसेवक होते. १९९९ मध्ये ते महापौर झाले. राणे समर्थक म्हणून ते ओळखले जात होते. माजी मुख्यमंत्री नारायण राणे, नवी मुंबईचे माजी महापौर चंदू राणे, महापौर राजेंद्र देवळेकर, आयुक्त ई. रवींद्रन, अतिरिक्त आयुक्त संजय घरत, सर्वपक्षीय नगरसेवक, पदाधिकारी अंत्ययात्रेत सहभागी झाले होते.