महापालिकेच्या अनधिकृत बांधकामविरोधी पथकाच्या वतीने कळवा तसेच वर्तकनगर प्रभाग समिती क्षेत्रातील अनधिकृत बांधकांवर शनिवारी कारवाई करण्यात आली. कळवा विभागात विटावा, कृष्णाई आर्केड, खारेगांव टोलनाका, गजानननगर, भास्करनगर, घोलाईनगर, शिवशक्तीनगर, पौंडपाडा आदी परिसरातील अनधिकृत बांधकामे तसेच पोस्टर्स, बॅनर्स आणि होर्डिग्ज हटविण्यात आली. त्याचप्रमाणे वर्तकनगर विभागातील कृष्णाईनगर, गांधीनगर, चिरागनगर, हरदासनगर, सावरकरनगर, यशोधननगर, खेवरा सर्कल, कापूरबावडी रोड, उपवन आदी परिसरातील अनधिकृत बांधकामे तोडण्यात आली.