scorecardresearch

ठाणे: मनसे नेते संदीप देशपांडे हल्ला प्रकरणातील संशयितांच्या घराबाहेर अविनाश जाधव कार्यकर्त्यांसह धडकले

मनसे नेते संदीप देशपांडे हे सकाळी चालण्यासाठी जात असताना त्यांच्यावर हल्ला झाल्याचा प्रकार वुकताच उघडकीस आला होता.

avinash jadhav

मनसे नेते संदीप देशपांडे हे सकाळी चालण्यासाठी जात असताना त्यांच्यावर हल्ला झाल्याचा प्रकार नुकताच उघडकीस आला होता. याप्रकारानंतर पोलिसांनी ठाण्यातील चिरागनगर येथून दोन संशयितांना ताब्यात घेतले. या संशयितांच्या घराबाहेर जाऊन मनसेच्या नेते अविनाश जाधव हे कार्यकर्त्यांसह धडकले. त्यामुळे परिसरात तणावाचे वातावरण निर्माण झाले होते. यावेळी एका महिलेसोबत मनसेच्या कार्यकर्त्यांचा वादही झाला.

हेही वाचा >>>डोंबिवलीत सायकल चोर अटक

शिवाजी पार्क मैदानाजवळ संदीप देशपांडे चालत असताना दोन जणांनी त्यांच्यावर बॅट आणि स्टंपने हल्ला केला होता. या घटनेप्रकरणी मुंबई पोलिसांची विविध पथके तपास करीत आहेत. ठाण्यातील चिरागनगर परिसरातूनही पोलिसांनी दोन संशयितांना ताब्यात घेतले. या घटनेची माहिती मनसेचे नेते अविनाश जाधव यांना मिळाल्यानंतर त्यांच्यासह शेकडो कार्यकर्ते त्या दोघांच्या घराबाहेर धडकले. यावेळी येथील एका महिलेसोबत मनसेच्या कार्यकर्त्यांचा वादही झाला. अखेर पोलिसांचे पथक आल्यानंतर त्यांनी गर्दी पांगवली.

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 05-03-2023 at 10:25 IST