डोंबिवलीत सुनीलनगरमध्ये ‘ग’ प्रभाग कार्यालयासमोर बेकायदा इमारतीची उभारणी

बेकायदा बांधकामांच्या विरुध्द आक्रमकपणे कारवाई करण्याचे आदेश आयुक्त डाॅ. भाऊसाहेब दांगडे यांनी १० प्रभागाच्या साहाय्यक आयुक्तांना दिले आहेत. या आदेशाप्रमाणे डोंबिवलीतील फ प्रभागाचे साहाय्यक आयुक्त चंद्रकांत जगताप आणि त्यांच्या पथकाने गावदेवी मंदिर येथील बेकायदा इमारत भुईसपाट केली. ह प्रभागाच्या साहाय्यक आयुक्त स्नेह कर्पे यांनी कुंभारखाणपाडा हरितपट्टयातील बांधकामांवर कारवाई केली. राहुलनगर मधील माफियांना कारवाईच्या नोटिसा बजावल्या आहेत. बेकायदा बांधकामांच्या विरुध्द प्रशासन आक्रमक झाले असताना डोंबिवली पूर्वेतील सुनीलनगरमध्ये सर्वोदय सृष्टी इमारत दोनच्या जवळ आणि पालिका मलनिस्सारण केंद्रा जवळ, ग प्रभाग क्षेत्र कार्यालयापासून ४०० मीटर अंतरावर नांदिवली गावातील एका भूमाफियाने सात माळ्याच्या बेकायदा इमारतीचे बांधकाम सुरू केले आहे.

आणखी वाचा

डोंबिवलीचे पाणी छुप्या पद्धतीने ठाण्याला पळविण्याचे षडयंत्र, मनसेचे उमेदवार राजू पाटील यांचा मुख्यमंत्री पिता-पुत्रावर घणाघात

Madhurima Raje : सतेज पाटील ज्यांच्यामुळे ढसाढसा रडले…

मध्य प्रदेशातून महाराष्ट्रात येणाऱ्या वाहनात घबाड

डोंबिवलीतील कोपरमध्ये स्थगिती आदेश देऊनही बेकायदा बांधकामाची उभारणी सुरूच; शासन, कडोंमपाचे आदेश बांधकामधारकांकडून दुर्लक्षित

यवतमाळ : काळी दिवाळी अन शिदोरी…, काय आहे नेमके प्रकरण जाणून घ्या

एसटी स्थानकात चोरट्यांचा सुळसुळाट, दिवाळीत प्रवाशांकडील ऐवज चोरीच्या घटनांमध्ये वाढ

पालिका आयुक्तांची सफाई कामगारांसोबत दिवाळी, कामगारांच्या वसाहतीला सपत्नीक भेट

डोंबिवलीतील फडके रस्त्यावरील पदपथावर भजी विक्रेत्याकडून सिलिंडरचा वापर

हेही वाचा >>>डोंबिवलीत मानपाडा रस्त्यावर नागरी वस्तीत दारूचे अड्डे, महिला, शाळकरी विद्यार्थी सर्वाधिक त्रस्त

या बांधकामाच्या तिसऱ्या माळ्याचे काम आता वेगाने सुरू करण्यात आले आहे. घाईने ही इमारत बांधून पूर्ण करायची. तेथे रहिवास सुरू करायचा, असे भूमाफियाचे नियोजन आहे. याच माफियाने गेल्या सात वर्षापासून गांधीनगर, पी ॲन्ड टी काॅलनी, नांदिवली, देसलेपाडा भागात २० हून अधिक बेकायदा इमारती कल्याण डोंबिवली पालिकेचे तत्कालीन उपायुक्त, एका पालिका कामगाराच्या सहकार्याने उभारल्या आहेत, अशी माहिती या भागातील काही जुन्या रहिवाशांनी दिली.

हेही वाचा >>>डोंबिवली लोकल मधील महिला डब्यात पुरूष फेरीवाल्यांची घुसखोरी, महिला प्रवासी त्रस्त

ग प्रभागाच्या हद्दीत यापूर्वीच आयरे गाव हद्दीत माफियांनी १५ हून अधिक बेकायदा टोलेजंग इमारती बांधून सज्ज केल्या आहेत. आरक्षित भूखंडावर मोबाईल मनोरे उभारले आहेत. या इमारती, मनोऱ्यांवर तत्कालीन साहाय्यक आयुक्त संजय साबळे यांनी कारवाई केली नाही. त्यानंतर आलेल्या साहाय्यक आयुक्त संजय कुमावत यांनी या बेकायदा बांधकामांवर कारवाई प्रस्तावित केली होती. त्यांची बदली झाली. या बेकायदा बांधकामांवर अधिकाऱ्यांकडून कारवाई होत नाही. त्यामुळे भूमाफियांना बळ मिळत असल्याने त्यांनी पुन्हा ग प्रभाग हद्दीत प्रभाग कार्यालयाच्या समोर बेकायदा इमारतीची उभारणी सुरू केली आहे. ग प्रभाग अधिकाऱ्यांनी तातडीने या बांधकामाची माहिती घेऊन ती भुईसपाट करण्याची मागणी या भागातील नागरिक करत आहेत.नगररचना विभागाच्या अधिकाऱ्याने सुनीलनगर मध्ये सर्वोद्य सृष्टी इमारत दोनच्या बाजुला आम्ही नवीन इमारत बांधकामाला परवानगी दिली नाही, असे सांगितले.