ठाण्यात १५ ते १८ वयोगटातील मुलांना सोमवारपासून लसीकरण सुरू होणार, कुठे? वाचा १४ केंद्रांची यादी

ठाण्यात १५-१८ वयोगटासाठी लसीकरण कुठे-कुठे उपलब्ध?

१. जोशी- बेडेकर महाविद्यालय (ठाणे कॉलेज) क्रिक रोड (ठाणे पश्चिम)
२. सतीश प्रधान ज्ञानसाधना महाविद्यालय, परबवाडी (ठाणे)
३. आनंदनगर लसीकरण केंद्र –चेकनाका (ठाणे पूर्व)
४. आर.जे. ठाकूर महाविद्यालय-लोकमान्यनगर (ठाणे)
५. ब्राह्मण विद्यालय, वर्तकनगर (ठाणे)
६. सेंट झेवियर्स शाळा, मानपाडा (ठाणे)
७. सरस्वती शाळा, आनंदनगर, कासारवडवली (ठाणे)
८. ब्राह्मण शिक्षण मंडळ इंग्लिश मिडियम स्कूल, घंटाळी मंदिरामागे, घंटाळी (ठाणे)
९. महिला लसीकरण केंद्र, टेंभीनाका (ठाणे)
१०. प. सहकार विद्या प्रसारक मंडळ (सह्याद्री शाळा), मुंबई पुणे रोड (कळवा)
११. काळसेकर महाविद्यालय (मुंब्रा)
१२. एस.एन.जी. शाळा (दिवा)
१३. जी.आर. पाटील महाविद्यालय (मुंब्रा)
१४. पार्किंग प्लाझा, (ऑनलाईन) ज्युपिटर रुग्णालयाशेजारी (ठाणे)

ठाण्यातील वरील लसीकरण केंद्रांवर १५ ते १८ वयोगटातील मुलांचे लसीकरण होणार आहे. ठाण्यातील पार्किंग प्लाझा या लसीकरण केंद्रावर ऑनलाईन पध्दतीने लसीकरण सुरू होणार आहे. यासाठी कोविन ॲपवर नोंदणी करणे आवश्यक असणार आहे.

किशोरवयीन मुलांसाठी कोवॅक्सिन लसीचा एकमेव पर्याय उपलब्ध

१५ ते १८ वर्षांची मुले लसीकरणासाठी आपल्या आयडी कार्डवरून कोविन अॅपवर नोंदणी करू शकतात. २००७ किंवा त्यापूर्वी जन्मलेली सर्व किशोरवयीन मुले या लसीकरणासाठी पात्र आहेत. ते ऑनलाइन किंवा केंद्रात जाऊन नोंदणी करू शकतात.

हेही वाचा : मुलांचे लसीकरण ३ जानेवारीपासून; पंतप्रधानांची घोषणा; आरोग्य कर्मचारी, ६० वर्षांवरील व्याधीग्रस्तांना वर्धक लस

३ जानेवारीपासून सुरू होणाऱ्या लसीकरणामध्ये (१५ ते १८ वर्षे) किशोरवयीन मुलांसाठी कोवॅक्सिन लसीचा एकमेव पर्याय उपलब्ध आहे. सर्व नागरिकांनी आपल्या १५ ते १८ वयोगटातील मुलांचे लसीकरण करुन घ्यावे, असे आवाहन महापौर नरेश म्हस्के व आयुक्त डॉ. विपिन शर्मा यांनी केले आहे.