डोंबिवलीत सामाजिक कार्यकर्त्या महिलेचे भूमाफियांच्या विरोधात उपोषण, महिलेला घराबाहेर काढण्याचा भूमाफियांचा प्रयत्न

हेही वाचा… ठाणे: काल्हेरमध्ये घनकचरा व्यवस्थापन प्रकल्प

हेही वाचा… डोंबिवलीत बेकायदा इमारतींचा पाणीपुरवठा खंडित; पाण्याची चोरी केल्याप्रकरणी गुन्हा दाखल

अनिता ठक्कर असे या महिलेचे नाव आहे. त्या सदगुरू कृपा या बेकायदा इमारतीत राहतात. सद्गुरू कृपा इमारतीची उभारणी झाल्यानंतर भूमाफिया बाळू भोईर आणि इतर भागीदारांनी या इमारती मधील सदनिका अनिता ठक्कर हिच्या मदतीने २५ ते ३० लाख रुपयांना विकल्या. या खरेदीचे नोटरी पध्दतीने कागदपत्र तयार करण्यात आले. तसेच तिलाही घर देण्यात आले होते. परंतु दोन वर्ष उलटल्यानंतर सद्गुरू इमारती मधील रहिवासी अनिता ठक्कर यांना भूमाफियांनी घर सोडण्यासाठी त्यांची छळवणूक सुरू केली. त्या राहत असलेल्या इमारतीचे वीज देयक, पाणी देयक माफियांनी आपल्या मुलाच्या नावे केले. सदनिकाही अनित ठक्कर यांच्या ताब्यातून काढून घेऊन ती सदनिका बळकावण्याचा कट माफियांनी रचला आहे. हे सर्व माफिया सध्या उजळ माथ्याने शहरात फिरत आहेत. एका लोकप्रतिनिधी पडद्यामागून या सर्व हालचाली करत असल्याचे सांगण्यात येते.