दोन वर्षीय मुलीला मिळाली दृष्टी, ठाणे जिल्हा सामान्य रूग्णालयात पार पडली मोतीबिंदू शस्त्रक्रिया

नुकतेच तिच्या डोळ्यांवर लेझर मशिनद्वारे शस्त्रक्रिया करण्यात आली. दोन वर्षाच्या मुलीच्या दोन्ही डोळ्यांना मोतीबिंदू असल्याने शस्त्रक्रिया करणे आव्हानात्मक होते. ही शस्त्रक्रिया जिल्हा शल्य चिकित्सक डॉ. कैलास पवार आणि अतिरिक्त जिल्हा शल्य चिकित्सक डॉ. धीरज माहांगडे यांच्या मार्गदर्शाखाली पार पडली. भूलतज्ज्ञ डॉ. प्रियांका महांगडे, डॉ.रुपाली यादव यांच्या मदतीने तिच्या डोळ्यांची मोतीबिंदू शस्त्रक्रिया पार पडली असल्याची माहिती नेत्र तज्ज्ञ डॉ. शुभांगी अंबाडेकर यांनी दिली.

हेही वाचा : मुख्यमंत्र्यांच्या ठाण्यावर भाजपचे लक्ष 

“लहान वयात मुलीच्या दोन्ही डोळ्यांना मोतीबिंदु असल्याने तिला केवळ प्रकाश संवेदना जाणवत होती. तिला भूल देऊन त्यानंतर शस्त्रक्रिया करणे आव्हानात्मक होते. मात्र नेत्रविभागातील डॉक्टर आणि कर्मचाऱ्यांनी हे आव्हान यशस्वीपणे पार पाडले. तसेच सर्व डाॅक्टर आणि कर्मचारी हे रूग्णांची आत्मीयतेने सेवा करण्यासाठी प्रयत्नशील असतात.” – डॉ. कैलास पवार , जिल्हा शल्य चिकित्सक, ठाणे</p>