वनविभागाकडून पहाडी पोपट जप्त in thane forest department seized 9 mountain parrots from a smuggler in ghodbunder area

पोलिसांनी त्याच्याकडून नऊ पोपट जप्त केले असून त्याने हे पोपट कोणाला विक्री केले त्याचा तपास वन विभागाकडून सुरू आहे.

thane forest department, 9 mountain parrots seized, 9 mountain parrots from a smuggler

वनविभागाकडून पहाडी पोपट जप्त (छायाचित्र - लोकसत्ता टीम)

ठाणे : पहाडी पोपटाची विक्री करणाऱ्या एका तस्कराला ठाणे वन विभागाच्या पथकाने मंगळवारी ताब्यात घेतले आहे. पोलिसांनी त्याच्याकडून नऊ पोपट जप्त केले असून त्याने हे पोपट कोणाला विक्री केले त्याचा तपास वन विभागाकडून सुरू आहे. घोडबंदर येथील एका उपाहारगृहाजवळ पोपट विक्री करण्यासाठी एकजण येणार असल्याची माहिती वन विभागाला मिळाली होती.

हेही वाचा : चिनी टोपल्यांचे भारतीय टोपल्यांवर आक्रमण, भारतीय टोपल्यांच्या मागणीत ३० ते ४० टक्क्यांनी घट

त्या आधारे पथकाने सापळा रचून तस्कराला ताब्यात घेतले. त्याची चौकशी केली असता, त्याने दहिसरमधील त्याच्या घरात पहाडी पोपट ठेवल्याचे सांगितले. त्यानंतर वन विभागाच्या पथकाने घरामध्ये जाऊन नऊ पोपट ताब्यात घेतले. या तस्कराच्या इतर साथीदारांचा शोध सुरू असल्याची माहिती मानद वन्यजीव रक्षक रोहित मोहिते यांनी दिली.

First published on: 11-10-2023 at 11:58 IST