भगवान मंडलिक, लोकसत्ता

कल्याण – शिवसेनेतून फारकत घेऊन बाहेर पडलेले मुख्यमंत्री एकनाथ शिंदे यांचे चिरंजीव खासदार डॉक्टर श्रीकांत शिंदे यांचा मतदारसंघ असलेल्या कल्याण लोकसभेवर महाविकास आघडीचाच (शिवसेनेचा) उमेदवार निवडून येईल. यापूर्वी शिवसेनेतून घेतलेल्या फारकतीचा धडा त्यांना शिकवला जाईल, असे आव्हान पक्षप्रमुख उध्दव बाळासाहेब ठाकरे, युवा नेते आदित्य ठाकरे यांनी दोन महिन्यापूर्वी कल्याणमधील दौऱ्याच्यावेळी शिंदे यांच्या शिवसेनेला दिले होते. आता लोकसभा निवडणूक जाहीर होऊनही महाविकास आघाडीचा कल्याण लोकसभेचा उमेदवार जाहीर होत नसल्याने उध्दव बाळासाहेब ठाकरे (शिवसेना) पक्ष, राष्ट्रवादी आणि काँग्रेस कार्यकर्त्यांमध्ये अस्वस्थता पसरली आहे.

come with us will take hindutva forward uddhav thackeray appeal  bjp sangh workers
आमच्याबरोबर या, हिंदुत्व पुढे नेऊ! उद्धव ठाकरे यांची भाजप, संघ कार्यकर्त्यांना साद  
cm eknath shinde special attention to Nashik
विश्लेषण : नाशिक मतदारसंघाकडे मुख्यमंत्र्यांनी विशेष लक्ष देण्याचे कारण काय? ही जागा महायुतीसाठी आव्हानात्मक का ठरतेय?
AJit Pawar vs Supriya Sule
“मी त्यांचा मुलगा नसल्याने संधी मिळाली नाही”, अजित पवारांच्या वक्तव्यावर सुप्रिया सुळे म्हणाल्या, “माझी कारकीर्द…”
supriya sule sunetra pawar show poll expanes to election commission
सुप्रिया सुळे, सुनेत्रा पवारांचा प्रचारावर खर्च किती? समोर आली आकडेवारी…
Chief Minister Eknath Shindes taunts to Naresh Mhaske attempt to comfort BJP leaders
मुख्यमंत्र्यांच्या नरेश म्हस्केंना कानपिचक्या, भाजप नेत्यांना दिलासा देण्याचा प्रयत्न
To end the politics of revenge and terror in the country make Shashikant Shinde win says Sharad Pawar
देशातील सुडाचे राजकारण व दहशत संपवण्यासाठी सर्वसामान्य शशिकांत शिंदे यांना विजयी करा- शरद पवार
Inadequate Public Relations, Misconduct to office bearers , lead to cut the ticket, Mumbai bjp members of parliament, gopal Shetty, Poonam Mahajan, manoj kotak, lok sabha 2024, north Mumbai lok sabha seat, Mumbai north central lok sabha seat, north east Mumbai lok sabha seat, marathi news, bjp Mumbai, Mumbai news,
जनता व कार्यकर्त्यांशी उद्धट वर्तन मुंबईतील भाजपच्या तिन्ही खासदारांना भोवले
dispute between mahayuti is not solved in Nandurbar Shinde group still away from campaigning
नंदुरबारमध्ये महायुतीतील वाद मिटेनात, शिंदे गट अजूनही प्रचारापासून दूर

कल्याण लोकसभेसाठी खासदार डॉक्टर श्रीकांत शिंदे यांची उमेदवारी निश्चित मानली जात आहे. या तगड्या उमेदवाराला शह देण्यासाठी तेवढ्याच तोलामोलाचा उमेदवार महाविकास आघाडीकडून देणे गरजेचे आहे, असे कार्यकर्त्यांचे मत आहे. प्रचाराची वेळ आली तरी महाविकास आघाडीकडून कल्याण लोकसभेचा उमेदवार निश्चित होत नसल्याने कार्यकर्त्यांमध्ये अस्वस्थता आहे.

हेही वाचा >>> डोंबिवली जवळील कोळे गावात गावठी दारूचा साठा जप्त; दारूसाठी काळ्या गुळाला बाजारात मागणी

शिवसेनेतून फारकत घेतल्यानंतर मुख्यमंत्री एकनाथ शिंदे, पुत्र खासदार डाॅ. शिंदे यांना निवडणुकीच्या माध्यमातून धडा शिकवण्याची लोकसभा निवडणूक ही पहिलीच संधी असल्याने कल्याण लोकसभेतील उध्दव बाळासाहेब ठाकरे पक्षाचे शिवसैनिक महाविकास आघाडीकडून जाहीर उमेदवाराचा प्रचार करण्यासाठी सज्ज आहेत.

चर्चेतील नावे

कल्याण लोकसभेसाठी उध्दव बाळासाहेब ठाकरे पक्षातील शिवसेनेचे कल्याण लोकसभा जिल्हाप्रमुख सदानंद थरवळ, सुषमा अंधारे यांची नावे घेतली जात आहेत. याशिवाय युवा नेते आदित्य ठाकरे, वरूण सरदेसाई यांचीही नावे घेतली जात आहेत. आदित्य ठाकरे हे तारांकित प्रचारक असल्याने त्यांना कल्याण लोकसभेची उमेदवारी गुंतवून ठेवणे कितपय योग्य आहे, असा प्रश्न करून शिवसेनेेतील वरिष्ठांनी वरूण यांचे नाव पुढे केले असल्याचे समजते. थरवळ हे एकमेव स्थानिक आहेत. अंधारे यांच्या नावाची सर्वाधिक चर्चा आहे.

हेही वाचा >>> डोंबिवली रेल्वे स्थानकात नवीन पादचारी पुलाची उभारणी; एक ते पाच क्रमांक फलाटांना जोडणार पादचारी पूल

कार्यकर्त्यांच्या पसंतीचा स्थानिक उमेदवार कल्याण लोकसभेसाठी दिला जाईल. तोपर्यंत कार्यकर्त्यांनी शांत राहून स्थानिक पातळीवर आपली मतदार संपर्काची कामे सुरू ठेवावीत, असे आदेश मातोश्रीवरून कल्याण लोकसभेतील शिवसैनिकांना देण्यात आले आहेत. शिंदे पिता-पुत्रांना धडा शिकवायचा असल्याने महाविकास आघाडीमधून उध्दव बाळासाहेब ठाकरे यांच्या पक्षातील तगडा उमेदवार सर्वानुमते कल्याण लोकसभेसाठी देण्याच्या हालचाली महाविकास आघाडीत सुरू आहेत.

राजू पाटील यांची चाचपणी

श्रीकांत शिंदे यांना आक्रमकपणे शह देईल असा तगडा उमेदवार आता तरी महाविकास आघाडी, ठाकरे यांच्या समोर नसला तरी मनसेतून आयात करून प्रमोद उर्फ राजू पाटील यांना उमेदवारी दण्याची जोरदार मागणी कार्यकर्त्यांकडून पक्षाच्या वरिष्ठांकडे केली जात आहे. मनसे म्हणून किंवा अपक्ष म्हणून राजू पाटील यांना प्रतिसाद मिळण्याची शक्यता कमी आहे. परंतु, त्यांना महाविकास आघाडीतून दमदार साथ मिळेल, असे कार्यकर्ते सांगतात.

सामान्य शिवसैनिकाला कल्याण लोकसभेसाठी उमेदवारी मिळण्याची शक्यता आहे. यासंदर्भात वरिष्ठ पातळीवर चर्चा सुरू आहेत. महाविकास आघाडीतून कल्याण लोकसभेसाठी अंतीम उमेदवाराचे नाव घोषित झाले की याठिकाणी कार्यकर्ते त्या उमेदवाराच्या प्रचारासाठी कामाला लागतील. हर्षवर्धन पालांडे-उपजिल्हाप्रमुख, कल्याण पूर्व, उध्दव बाळासाहेब ठाकरे पक्ष.