scorecardresearch

Premium

Mira Road Murder : “मनोज साने माझा मामा आणि तो खूप…”, सरस्वती काय म्हणाली होती? अनाथ आश्रमाच्या कर्मचाऱ्यांनी दिलं उत्तर

सरस्वती अनाथ होती आणि ती अनाथ आश्रमात राहात होती. मनोज तिच्या आयुष्यात आल्यानंतर तिने मनोजची ओळख मामा अशी करुन दिली होती.

Mira road murder, Manoj Sane, Sarswati Vaidya
अनाथ आश्रमाच्या कर्मचाऱ्यांनी नेमकं काय सांगितलं?

श्रद्धा वालकरच्या हत्याकांडापेक्षाही भयंकर हत्याकांड हे मीरा रोडमध्ये घडलं आहे. या घटनेमुळे संपूर्ण महाराष्ट्र हादरला आहे. मनोज सानेने त्याची लिव्ह इन पार्टनर सरस्वतीची हत्या केली. त्यानंतर तिच्या मृतदेहाचे असंख्य तुकडे केले. काही तुकडे शिजवले, काही भाजले तर काहींची विल्हेवाट लावली. मात्र मनोज सानेला अटक करण्यात आली आहे. तसंच सरस्वतीच्या मृतदेहाचे तुकडेही जे. जे. रुग्णालयात पाठवण्यात आले आहेत. या प्रकरणात मनोज सानेची चौकशी सुरु आहे. सरस्वती अनाथ होती. तिने मनोज हा आपला मामा आहे आणि तो खूप श्रीमंत आहे अशी ओळख करुन दिली होती. अनाथ आश्रमाच्या कर्मचाऱ्यांनी ही माहिती दिली आहे.

निर्घृण हत्येनंतर सरस्वतीच्या मृतदेहाचे तुकडे करण्यात आले. मात्र सरस्वती ही मनोजला भेटण्याआधी एका अनाथ आश्रमात राहात होती. आश्रमात काम करणाऱ्या अनु साळवे यांनी सांगितलं की सरस्वती ही मनोज सानेला मामा अशी हाक मारत होती. तसंच माझा मामा खूप पैसैवाला आहे, श्रीमंत आहे असं तिने सांगितलं होतं. मनोज साने जेव्हा तिच्या आयुष्यात आला त्यानंतर ते दोघं कारने आश्रमात यायचे. सरस्वती तिच्यासह इतर मुलांसाठी जेवण, खाऊ आणि कपडे आणायची असंही साळवे यांनी सांगितलं. NDTV ने याविषयीचं वृत्त दिलं आहे. ती सुरुवातीला यायची तेव्हा ती खुश असायची. मात्र दोन वर्षांपासून ती दुःखी होती. जास्त कुणाशी बोलायची नाही. सरस्वती जेव्हा १८ वर्षांची झाली तेव्हा ती अनाथ आश्रमातून तिच्या बहिणीकडे गेली होती. असंही साळवे यांनी स्पष्ट केलं.

Justin truedeo and narendra modi
निज्जर हत्येप्रकरणी भारतावर आरोप करणाऱ्या कॅनडाला उपरती; पंतप्रधान ट्रुडो म्हणाले, “जगभरात भारताचा प्रभाव…”
Royal Enfield Bullet 350 launched
नाद करायचा नाय! बाकी कंपन्या बघतच राहिल्या, देशात दाखल झाली नवी बुलेट, किंमत फक्त…
jansatta-bhupesh-baghel-interview
छत्तीसगडचे मुख्यमंत्री भूपेश बघेल यांची द इंडियन एक्स्प्रेस ऑनलाईन मीडिया समिटच्या रायपूरमधील ‘मंथन’ कार्यक्रमाला प्रमुख पाहुणे म्हणून उपस्थिती!
eknath shinde bjp flag
“…अन्यथा भाजपात प्रवेश केला असता”, शिंदे गटातील मंत्र्याचं मोठं विधान

मनोज साने शेजाऱ्यांच्या सतर्कतेमुळे कसा पकडला गेला?

मनोज सानेच्या घरासमोर राहणारा त्याचा शेजारी सोमेश याने सांगितलं की दोन ते तीन दिवसांपासून मनोजच्या घरातून दुर्गंध येत होता. सुरुवातीला आम्हाला वाटलं उंदीर वगैरे मेला असेल. त्याचा वास येत असेल. त्यामुळे मी त्याच्या घराचा दरवाजाही ठोठावला पण त्याने दार उघडलं नाही. त्यानंतर स्प्रे मारण्याचा आवाज आला आणि दुर्गंधी ऐवजी रुम फ्रेशनरचा वास येऊ लागला. तेव्हा सोमेशने पोलिसांना कळवलं आणि सदर घटना उघडकीस आली.

पोलिसांनी घटनास्थळी काय पाहिलं?

पोलिसांनी दिलेल्या माहितीनुसार मनोजच्या घरात वुड कटर, तीन बादल्यांमध्ये सरस्वतीच्या मृतदेहाचे तुकडे, काळी पॉलिथिन बॅग, पातेल्यांमध्ये मृतदेहाचे तुकडे, मिक्सरमध्ये अंश असं सगळं भयंकर चित्र त्या ठिकाणी पाहायला मिळालं. यानंतर पोलिसांनी मनोज सानेला अटक केली आहे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mira road murder case orphanage employee statement about manoj sane killed live in partner saraswati scj

संबंधित बातम्या

तुम्ही या बातम्या वाचल्या आहेत का? ×