ठाण्यातल्या नितीन कंपनी भागात गंजलेला सिग्नल कोसळून रस्त्यावर पडला. गुरूवारीच ठाणे रेल्वे स्थानकाबाहेर असलेल्या एसटी आगारातले होर्डिंग वाकल्याची घटना घडली होती. मात्र या घटनेत कोणतीही जीवितहानी झाली नाही. ही घटना गुरूवारीच असताना शुक्रवारी सिग्नल कोसळल्याची घटना घडली आहे. नितीन कंपनी जंक्शन या ठिकाणी सिग्नलमध्ये लोंबकळणारी वायर बसच्या छताला अडकली. ज्यामुळे हा सिग्नल थेट कोसळलाच. या घटनेतही कोणतीही जीवितहानी झाली नाही. मात्र अशा किती घटना झाल्यावर प्रशासनाला जाग येणार आहे? असा प्रश्न आता ठाणेकर विचारत आहेत. कालचीच होर्डिंगची घटना ताजी असताना ही घटना समोर आली आहे.