ठाणे : महापालिका क्षेत्रातील आर्थिक दुर्बल घटकातील आणि विधवा महिलांसाठी राबविण्यात येत असलेल्या धर्मवीर आनंद दिघे स्वयंरोजगार योजनेकरिता १३ हजाराहून अधिक अर्ज पालिकेकडे प्राप्त झाले असून त्यापैकी १० हजार ८८ महिला योजनेकरिता पात्र ठरल्या आहेत. या महिलांना घरघंटी आणि शिलाई यंत्रांचे वाटप करण्यात येणार असून त्याचा पहिला टप्पा आज, मंगळवारी खारेगाव भागात राबविण्यात येणार आहे.

ठाणे महापालिकेच्या समाज कल्याण विकास विभाग आणि महिला बालकल्याण विभागामार्फत आर्थिक दुर्बल घटकातील महिलांसाठी विविध योजना दरवर्षी राबविण्यात येतात. या महिलांना रोजगार उपलब्ध व्हावा या उद्देशातून योजना राबविल्या जात असून त्यासाठी घरघंटी, शिवणयंत्र आणि मसाला कांडप यंत्राचे वाटप करण्यात येते. या योजनेकरिता पालिका प्रशासनाकडून शहरातील आर्थिक दुर्बल घटकातील महिलांकडून अर्ज मागविण्यात येतात. या अर्जांची छाननी करून त्यात पात्र महिलांची यादी तयार करण्यात येते आणि त्यांना योजनेचा लाभ दिला जातो.

Fraud of Rs 5 lakh 41 thousand 800 by pretending to do rating work
रेटिंगच्या कामाचे आमिष दाखवून ५ लाख ४१ हजार ८०० रुपयांची फसवणूक
asha sevika, Mumbai,
आरोग्य सेविका व आशा सेविकांच्या आंदोलनाची महानगरपालिकेने घेतली दखल, मागण्यांवर सविस्तर चर्चेसाठी बुधवारी बोलावली बैठक
Approval has been given to implement process of recruitment of school teachers under local self-government bodies
शिक्षक भरतीबाबत महत्त्वाची बातमी… काय झाला निर्णय?
Entrepreneurs angry over consent letter for relocation in Dombivli MIDC
डोंबिवलीतील उद्योजक म्हणजे शासनाला कल्हईवाले वाटले का? डोंबिवलीतील उद्योजकांचा संतप्त सवाल
Supriya sule and sasoon hospital
“ससूनभोवती दाटलेले संशयाचे धुके…”, सुप्रिया सुळेंची सरकारकडे मागणी; म्हणाल्या, “एकंदर कामकाजाची समिक्षा…”
Nagpur, hit people,
तिघांना चिरडणाऱ्या आरोपींचे गुन्हेगारी ‘कनेक्शन’
  73 thousand applications for RTE admissions
‘आरटीई’ प्रवेशांसाठी ७३ हजार अर्ज; निकष पूर्ववत होताच तीन दिवसांत पालकांचा उत्साही प्रतिसाद
Tejas Garge, Hearing,
तेजस गर्गे अटकपूर्व जामीन अर्जावर शनिवारी सुनावणी

हेही वाचा…ठाण्याच्या मालमत्ता प्रदर्शनात २१७ घरांची विक्री

मुंबई महापालिकेने या योजनेतंर्गत विधवा, परित्यकता, घटस्फोटित, ४० वर्षावरील अविवाहित महिला, गिरणी कामगार, देवदासी, दारिद्र्य रेषेखालील प्रमाणपत्रधारक, सर्वसाधारण महिला आणि करोना आजाराने ज्या महिलांच्या पतीचे निधन झाले आहे, अशा विधवा महिलांचा समावेश करण्यात आला आहे. याच धर्तीवर ठाणे महापालिकेने योजना राबवावी आणि त्यास ‘धर्मवीर आनंद दिघे स्वयंरोजगार योजना’ यांचे नाव देण्याची मागणी तत्कालीन महापौर नरेश म्हस्के यांनी केली होती. ही मागणी मान्य करत पालिकेने योजनेसाठी अर्ज मागिवले होते.

हेही वाचा…कल्याणमध्ये क्रिकेट खेळण्यावरून विद्यार्थ्याला मारहाण

या योजनेकरिता १३ हजार ६३८ अर्ज प्राप्त झाले असून त्यातील १० हजार ८८ अर्ज पात्र झाले आहेत. या महिलांना घरघंटी आणि शिलाई यंत्रांचे वाटप करण्यात येणार आहे. त्याचा पहिला टप्पा आज, मंगळवारी खारेगाव भागात राबविण्यात येणार असून यामध्ये खासदार डॉ . श्रीकांत शिंदे यांच्या हस्ते कळवा, दिवा, मुंब्रा भागातील अडीच ते तीन हजार महिलांना घरघंटी आणि शिलाई यंत्रांचे वाटप करण्यात येणार आहे, अशी माहिती पालिका सुत्रांनी दिली.