scorecardresearch

Premium

डोंबिवलीतील शेलार नाका झोपडपट्टीतून सराईत चोरटे अटकेत

डोंबिवली शहर परिसरात सोनसाखळी चोरी, घरफोड्या, दुचाकी चोरणाऱ्या तीन सराईत गु्न्हेगारांना रामनगर पोलिसांनी येथील शेलार नाका झोपडपट्टीतून अटक केली.

Dombivali_Crime
डोंबिवलीतील शेलार नाका झोपडपट्टीतून सराईत चोरटे अटकेत

डोंबिवली शहर परिसरात सोनसाखळी चोरी, घरफोड्या, दुचाकी चोरणाऱ्या तीन सराईत गु्न्हेगारांना रामनगर पोलिसांनी येथील शेलार नाका झोपडपट्टीतून अटक केली. या चोरट्यांवर विविध प्रकारचे १९ गुन्हे दाखल आहेत. या चोरट्यांच्या अटकेतून डोंबिवलीतील अनेक गुन्हे उघड होण्याची शक्यता रामनगर पोलीस ठाण्याचे वरिष्ठ पोलीस निरीक्षक सचिन सांडभोर यांनी वर्तवली. शेलार नाका झोपडपट्टीत यामधील एका आरोपीने घरफोडीचे प्रकार केले आहेत. चोरीसाठी ते चोरीचे स्कुटर वापरत होते. सकाळच्या वेळेत फिरण्यासाठी बाहेर पडलेल्या महिलांना लक्ष्य करून त्यांच्या गळ्यातील सोन्याचा ऐवज लंपास करणे. बंद घराची टाळी तोडून घरफोड्या करण्याचा धंदा आरोपी करत होते, असे वरिष्ठ निरीक्षक सांडभोर यांनी सांगितले.
राहुल उर्फ बोधी सरदार, गुरुदेवसिंग उर्फ काळी नरेश भगानिया, शिवा तुसाबंड अशी अटक केलेल्या गुन्हेगारांची नावे आहेत. ते डोंबिवली पूर्वेतील शेलार नाका झोपडपट्टी परिसरात राहतात.

रामनगर, मानपाडा पोलीस ठाणे हद्दीत गेल्या काही महिन्यांपासून मोटार सायकल चोरी, घरफोड्या, पादचारी महिलांच्या गळ्यातील सोन्याचा ऐवज हिसकावून पळून जाण्याचे प्रकार वाढले होते. मानपाडा पोलीस ठाणे हद्दीत एक महिलेच्या गळ्यातील दुचाकीवरून आलेल्या तीन जणांनी सोनसाखळी हिसकावून पळ काढला होता. सीसीटीव्ही चित्रणामध्ये शेलार नाका भागात राहणाऱ्या गुन्हेगारांनी हा प्रकार केला असल्याचे पोलीस तपासात उघड झाले होते. मानपाडा पोलीस या तिघांच्या मागावर होते. ठाकुर्ली, चोळेगाव भागात रामनगर पोलीस गस्त गालत असताना एका दुचाकीवर तीन जण बसून वेगाने प्रवास करत होते. पोलिसांनी त्यांना अडवले. दुचाकीची कागदपत्र मागितली. ते दाखवू शकले नाहीत. दुचाकी चोरीची असल्याची कबुली दुचाकी स्वारांनी दिली. पोलिसांनी त्यांना ताब्यात घेऊन रामनगर पोलीस ठाण्यात आणून चौकशी केली. रामनगर हद्दीत अनेक महिने सोनसाखळ्या, घरफोड्या करणारे हेच आरोपी असल्याचे चौकशीत निष्पन्न झाले. दुचाकीचा वापर महिलांच्या गळ्यातील सोन्याचा ऐवज हिसकावण्यासाठी आरोपी करायचे. शेलार नाका परिसरात घरफोड्या केल्याची कबुली आरोपींनी दिली.

three people injured in leopard attack
नायगाव शिवारात बिबट्याच्या हल्ल्यात तीन जण जखमी
bharti university police arrest gang thieves robbery passengers abroad pune
रेल्वेत सोनसाखळी चोरणारी बंगाली टोळी अटकेत
buldhana district, truck car accident, one dead, five seriously injured,
गणेश विसर्जन करून परतणाऱ्या वाहनाला ट्रकची धडक; एक गंभीर, पाच जखमी, संतप्त नागरिकांनी ट्रक जाळला
cleaning campaign at mumbai beach, mumbai municipal corporation, bmc cleaning campaign at sea area
मुंबईतील समुद्रकिनाऱ्यांवर कचऱ्याचे ढीग; महानगरपालिका व स्वयंसेवी संस्थांकडून स्वच्छता मोहीम

पोलिसांनी या तिघांच्या नावावरून त्यांच्या डोंबिवली परिसरातील पोलीस ठाण्यांच्या अभिलेखातील नोंदी तपासल्या. या तिघांवर सोनसाखळी, दुचाकी चोरी, घरफोडी चोरीचे एकूण १९ गुन्हे दाखल आहेत असे दिसून आले. प्राथमिक चौकशीत या तिघांनी चार गुन्ह्यांची कबुली दिली. उर्वरित गुन्हे त्यांच्याकडून वदवून घेतले जातील. चोरीचा ऐवज हस्तगत केला जाईल, असे निरीक्षक सांडभोर यांनी सांगितले.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Thieves arrested from shelar naka slum in dombivali rmt

First published on: 09-05-2022 at 12:38 IST

संबंधित बातम्या

मराठी कथा ×