उल्हासनगर: नवरदेवाच्या वाहनाच्या धडकेत वऱ्हाडी जखमी; लग्नाची वरात थेट रुग्णालयात, ११ जण जखमी, उपचार सुरू

हेही वाचा >>> डोंबिवलीतील पिंपळेश्वर महादेव मंदिर ट्रस्टचे प्रकाश म्हात्रे यांचा अध्यक्ष पदाचा राजीनामा

सोमवारी सायंकाळच्या सुमारास लग्नाचे वऱ्हाडी वाजत गाजत प्रवीण हॉटेलच्या आवारात पोहोचत होते. अचानक नवरदेवाचे वाहन चालवणारे विशाल लुधवानी यांचे गाडीवरील नियंत्रण सुटल्याने गाडी थेट वऱ्हाडी मंडळींच्या अंगावर गेली. त्यामुळे वरातीत नाचणाऱ्या तब्बल ११ जणांना गाडीची जोरदार धडक बसली. या घटनेतील जखमीना तात्काळ उल्हासनगरच्या मीरा या खाजगी रुग्णालयात दाखल करण्यात आले. ते एकाची प्रकृती गंभीर असल्याने त्याला मुंबईला हिंदुजा रुग्णालयात दाखल करण्यात आले. काही किरकोळ जखमीना उपचार करून सोडून देण्यात आल्याची माहिती पोलिसांनी दिली. दरम्यान याप्रकरणी पोलिसांनी गाडी जप्त केली असून विशाल लुधवानी याच्या विरोधात गुन्हा दाखल करण्यात आला आहे.