scorecardresearch

Premium

कल्याणमध्ये गोळीबार करणाऱ्या तरूणास शहाडमधून अटक; गुन्हे अन्वेषण शाखेची कारवाई 

जीवे ठार मारण्याचा प्रयत्न करणाऱ्या एका तरूणाला कल्याण गुन्हे अन्वेषण शाखेच्या पथकाने बुधवारी मध्यरात्री शहाड रेल्वे स्थानक परिसरातून अटक केली.

youth arrested from shahad for firing in kalyan
मोहने भागात गोळीबार करणारा आरोपी कल्याण गुन्हे शाखेच्या पथकाकडून अटक.

कल्याण – गप्पा मारत असताना आपल्या जवळच्या मित्रावर बंदुकीतून गोळी झाडून त्याला जीवे ठार मारण्याचा प्रयत्न करणाऱ्या एका तरूणाला कल्याण गुन्हे अन्वेषण शाखेच्या पथकाने बुधवारी मध्यरात्री शहाड रेल्वे स्थानक परिसरातून अटक केली. त्याच्याकडून पिस्तूल, काडतुसे असा २१ हजाराचा ऐवज पोलिसांनी जप्त केला.

हेही वाचा >>> डोंबिवली एमआयडीसीत जलवाहिनी फुटली

Development Plan, Navi Mumbai, Wetlands, Residential Complexes, Political Silence, flamingo, environment,
नवी मुंबई : पाणथळीच्या जागा निवासी संकुलांसाठी खुल्या करण्याचा निर्णय, पर्यावरणप्रेमींचा विरोध, नेत्यांचे सोईस्कर मौन
part of commercial building obstructing widening of the road was demolished mumbai municipal corporation
रस्ता रुंदीकरणाआड आलेल्या व्यावसायिक इमारतीचा काही भाग तोडला, पश्चिम उपनगरात प्रथमच केला पालिकेने प्रयोग
Uttarakhand riots
उत्तराखंडमध्ये दगडफेक, ५० पोलीस जखमी, दंगलखोरांना दिसताक्षणी गोळ्या घालण्याचे आदेश, मध्यरात्री काय घडलं?
fire breaks out shiravane midc under construction building navi mumbai
नवी मुंबई : निर्माणाधीन इमारतीला आग तीन तासांच्या प्रयत्नांनी आगीवर नियंत्रण

मोहने परिसरातील शहाड बंदरपट्टा भागातील रहिवासी सुशील मोहंतो हा तरुण आपल्या पाच मित्रांसह बुधवारी रात्री सार्वजनिक ठिकाणी गप्पा मारत बसला होता. गप्पा सुरू असताना वडवली गावातील उमेश प्रमोद खानविलकर (३०) याने जवळील बंदुकीतून सुशीलवर बंदुकीचा रोख धरून त्याच्यावर गोळी झाडली. सुरूवातीला सुशीलला उमेश गम्मत करत आहे, असे वाटले. उमेश गोळी झाडत आहे म्हणून सुशीलने हाताचा पंजा चेहऱ्यावर धरला. उमेशने जवळून सुशीलच्या तोंडाच्या दिशेने गोळी झाडली.

हेही वाचा >>> ठाण्यात भुमिगत जलवाहिनी फुटली; वागळे इस्टेटच्या काही भागांचा पाणी पुरवठा ठप्प

गोळी सुशीलच्या हाताच्या पंजामधून आरपार होऊन तोंडातून जीभ फाटून घशात जाऊन अडकली. या घटनेनंतर इतर मित्रांनी सुशीलला उल्हासनगरच्या मध्यवर्ती रुग्णालयात उपचारासाठी नेले. तेथे डाॅक्टरांनी प्राथमिक उपचार केले. अधिक उपचारासाठी सुशीलाल कळवा येथील छत्रपती शिवाजी रुग्णालयात पाठविले. सुशीलच्या घशात बंदुकीची गोळी अडकली आहे. या घटनेनंतर गोळीबार करणारा उमेश घटनास्थळावरुन पळून गेला. खडकपाडा पोलीस ठाण्यात या गोळीबार प्रकरणी गुन्हा दाखल झाला. कल्याण गुन्हे अन्वेषण शाखेच्या पथकाने तातडीने या गोळीबार प्रकरणाचा समांतर तपास सुरू केला. उमेश रेल्वेने बाहेरगावी पळून जाण्याचा प्रयत्न करत असल्याची माहिती पथकाला मिळाली. कल्याण गुन्हे अन्वेषण शाखेचे वरिष्ठ पोलीस निरीक्षक किशोर शिरसाठ यांच्या मार्गदर्शनाखाली पोलीस निरीक्षक राहुल म्हस्के, उपनिरीक्षक संजय माळी यांच्या पथकाने शहाड रेल्वे स्थानक परिसरात बुधवारी मध्यरात्री सापळा लावून उमेशला अटक केली.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Youth arrested from shahad for firing in kalyan zws

First published on: 05-10-2023 at 16:57 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×