आपल्या मुलांनी खूप यश मिळवावं असं प्रत्येक पित्याला वाटत असतं. जेव्हा आपलं मूल अशी कामगिरी करतं तेव्हा त्याचं कौतुक वाटणंही स्वाभाविकच आहे. असाच एक फोटो सध्या सोशल मीडियावर व्हायरल होत आहे. या फोटोत एक पिता आपल्या पोलीस अधिकारी मुलीच्या खांद्यावरील स्टार कौतुकाने पाहत असल्याचं दिसत आहे. हा फोटो मणिपूरमधील असून रत्ताना एनगासेप्पम असं या महिला अधिकाऱ्याचं नाव आहे. फोटोत रत्ताना एनगासेप्पम आपले वडील कौतुकाने स्टार पाहत असल्याचं पाहून हसताना दिसत आहेत. हा फोटो मोठ्या प्रमाणात व्हायरल होत असून रत्ताना एनगासेप्पम यांच्या वडिलांच्या डोळ्यात दिसणारं ते कुतुहूल, कौतुक लोकांना प्रचंड भावलं आहे. दरम्यान महिला सशक्तीकरणाचं हे योग्य उदाहरण असल्याचंही अनेकांनी म्हटलं आहे. Rattana Ngaseppam, Deputy SP from Imphal, Manipur Her proud dad checking out the stars on her uniform. And #Rattana proudly watching the stars in her father's eyes. [Source: @_mohul] Cc: @manipur_police pic.twitter.com/8WOgGIFOPB — Amit Panchal (@AmitHPanchal) May 7, 2020 हा फोटो सध्याचा नसून जुना आहे. सध्या रत्ताना एनगासेप्पम मणिपूर पोलिसांत अतिरिक्त पोलिस अधीक्षक पदावर आहेत. ट्विटरला एका युजरने हा फोटो शेअर केला होता. या फोटोला १५ हजाराहून अधिक जणांनी लाइक केला असून दोन हजाराहून अधिक जणांनी रिट्विट केला आहे. #proudindianwomen