ट्रम्प यांनी संतापून केलेलं ‘ते’ तीन शब्दांचं ट्विट ठरतयं मस्करीचा विषय

ट्रम्प यांनी मतमोजणी सुरु झाल्यापासूनच वेगवेगळे दावे करण्यास सुरुवात केली असून आपण ही निवडणूक आधीच जिंकलो असल्याचाही दावा त्यांनी केला आहे. मात्र राष्ट्राध्यक्ष होण्यासाठी आवश्यक असणाऱ्या इलेक्ट्रोल व्होट्समध्ये बायडेन हे ट्रम्प यांच्यापेक्षा खूपच पुढे आहेत. त्यामुळेच आता ट्रम्प यांनी मतमोजणी थांबवावी अशी मागणी केली आहे. याचसंदर्भात त्यांनी गुरुवारी ट्विटवरुन कॅपिटल लेटर्समध्ये ‘स्टॉप द काऊंट’ म्हणजेच मतमोजणी थांबवा असं पोस्ट करत आपला संताप व्यक्त केला आहे.

मात्र अनेकांनी यावरुन ट्रम्प यांची खिल्ली उडवली आहे. अनेकांनी या तीन शब्दांवरुन ट्रम्प यांच्यावर मजेशीर पद्धतीने टीका करण्याबरोबरच मिम्स आणि वन लायनर पोस्ट करण्यास सुरुवात केलीय.

प्रसिद्ध संगितकार झेडनेही यावर भाष्य केलं आहे

त्याचबरोबर भारतातीयांनाही यावर मजेदार प्रतिक्रिया नोंदवल्यात.

इतरही अनेक प्रतिक्रियांचा पाऊस या ट्विटवर पडला आहे.

 स्वीडनमधील पर्यावरण कार्यकर्ती ग्रेटा थनबर्गने ट्रम्प यांना याच ट्विटवरुन सणसणीत टोला लगावला आहे. ट्विटवरुन ग्रेटाने ट्रम्प यांना त्यांच्याच एका जुन्या वक्तव्याची आठवण करुन दिली आहे. शांत व्हा आणि एखादा चित्रपट पाहा आणि रागावर नियंत्रण मिळवण्यावर थोडं काम करा असा चिमटा ग्रेटाने काढला आहे.