Viral video: असं म्हणतात की मुलं म्हणजे देवाघरची फुलं असतात. लहान मुलं कितीही गोंडस असली तरी त्यांना सांभळणे फार अवघड काम आहे. जरा नजर हटेपर्यंत लहान मुलं काही ना काही गोंधळ घालून ठेवतात आणि तुमचे काम वाढते. कित्येकदा मुलं स्वत:सह दुसऱ्यांनाही संकट ओढतात. अशावेळी पालकांचे लक्ष नसेल त मोठा अनर्थ होऊ शकतो. असाच एक धक्कादायक व्हिडिओ सध्या चर्चेत आहे. मुलांवर नेहमी लक्ष ठेवणे ही पालकांची जबाबदारी आहे. थोडासाही निष्काळजीपणा केला तर मोठी दुर्घटना घडते.अशाच एका भयानक घटनेनं सगळ्यांना हादरवून सोडलं आहे. पंजाबमधील लुधियाना येथून एक हृदयद्रावक व्हिडिओ समोर आला आहे. यामध्ये कुटुंबासोबत खरेदीसाठी गेलेल्या चिमुकलीच्या अंगावर काचेचा दरवाजा पडलाय.
चिमुकलीचा जागीच मृत्यू
हा व्हिडीओ सध्या सोशल मीडियावर व्हायरल होत असून व्हिडीओ पाहून तुमच्याही अंगावर काटा येईल. पंजाब येथे एका कपड्यांच्या शोरूममध्ये तीन वर्षांची मुलगी तिच्या कुटुंबासह गेली होती, यावेळी ती काचेच्या दरवाजाशी खेळू लागली. त्यानंतर अचानक दरवाजा त्या मुलीच्या अंगावर पडला, त्यामुळे तिचा जागीच मृत्यू झाला आहे.
व्हायरल होत असलेल्या या व्हिडिओमध्ये दिसत आहे की, ती मुलगी शोरूममध्ये खेळत असताना दरवाजा तिच्या अंगावर पडला. या भीषण अपघातानंतर मुलीला तातडीने रुग्णालयात नेण्यात आले मात्र डॉक्टरांनी तिला मृत घोषित केले. या घटनेचा सीसीटीव्ही व्हिडिओ सध्या इंटरनेटवर व्हायरल होत आहे. हा व्हिडिओ सोशल मीडिया प्लॅटफॉर्म एक्सवर गगनदीप सिंह नावाच्या युजरने शेअर केला आहे. या व्हिडीओसोबत त्यांनी कॅप्शनही लिहिले आहे की, ‘लुधियाना येथील एका कापडाच्या शोरूमचा काचेचा दरवाजा पडल्याने एका ३ वर्षीय मुलीचा मृत्यू झाला.
पाहा व्हिडीओ
हेही वाचा >> VIDEO: महागड्या पेट्रोल-डिझेलचे टेन्शन दूर करण्यासाठी तरुणाचा देसी जुगाड; थेट म्हशीवर बसून उतरला रस्त्यावर
प्रत्यक्षदर्शींच्या म्हणण्यानुसार, मुलगी हँडल धरून दरवाजाभोवती खेळत असताना दरवाजा तिच्या अंगावर कोसळला आणि ती गंभीर जखमी झाली. बऱ्याचदा खरेदीला गेल्यावर पालक आपल्या मुलांना असंच बाजूला सोडतात. मात्र सतत त्यांच्यावर लक्ष ठेवणे अत्यंत महत्त्वाचे असते. आपण थोडंसं जरी त्यांच्याकडे दुर्लक्ष केलं तर ते काय करून बसतील याचा आपण विचारसुद्धा करू शकणार नाही
