Woman LinkedIn Profile Goes Viral : अनेकदा असं होतं की, आपण नोकरी सोडण्यासाठी किंवा नवीन नोकरी सुरु करण्याआधी शंभरवेळा विचार करतो. नोकरी शोधताना काही लोक सावधानताही बाळगतात. पगार आणि पदाशिवाय कामाची पद्धत आणि नवीन ठिकाणच्या परिस्थितीबाबत लोक खूप विचार करत असतात. परंतु, या सर्व सावधानतेशिवाय अनेकदा लोक अशा परिस्थितीत गोंधळतात, ज्यातून सुटका होणे खूप कठीण असतं. बंगळुरुच्या एका महिलेसोबतही असच घडलं आहे. परंतु, त्या महिलेनं निर्णय घेतला की, या गोष्टीला ती जगासमोर आणेल आणि यासाठी तिने लिंक्डइनची मदत घेतली.
बंगळुरुत राहणाऱ्या शिखा गुप्ताने लिंक्डइनवर असं काही लिहिलं की, त्या महिलेचं प्रोफाईल सोशल मीडियावर तुफान व्हायरल झालं. ट्वीटर यूजर विबिन बाबूराजनने शिखाच्या लिंक्डइन प्रोफाईलचा एक स्नॅपशॉट ट्वीटरवर शेअर केला आहे. त्यानंतर ही व्हायरल पोस्ट लोकांचं लक्ष वेधून घेत आहे आणि प्रचंड व्हायरल होत आहे. शिखाने त्याच्या लिंक्डईन प्रोफाईलवर कामाचा अमुभव सांगत लिहिलं आहे की, ‘चूक झाली. याला बरोबर करण्यासाठी एक वर्षांचा कालावधी दिला. पुढे गेलो.’
यूजर्स म्हणाले, ‘प्रामाणिकपणाचं कौतुक झालं पाहिजे’
ही पोस्ट १५ जुलैला शेअर करण्यात आली आहे. ट्वीटरवर शेअर केल्यापासून या पोस्टला आतापर्यंत सव्वा लाखांहून अधिक व्यूज मिळाले आहेत. तसंच १६०० हून अधिक लोकांनी या व्हिडीओला लाईकही केलं आहे. या व्हिडीओला यूजर्सने वेगवेगळ्या प्रतिक्रियाही दिल्या आहेत. पोस्टला प्रतिक्रिया देत एका यूजरने म्हटलं, “मलाही एका कंपनीसाठी असं लिहियाचं आहे. या प्रामाणिकपणाचं मी कौतुक करतो.”
