Video : भल्यामोठ्या मगरीसह समुद्रात खेळत होती बिकिनी गर्ल; व्हिडीओ पाहून तुमच्या अंगावर येईल काटा

व्हायरल होणाऱ्या व्हिडीओमध्ये एक बिकिनी गर्ल चक्क मगरीसह निर्भयपणे समुद्रात पोहताना दिसतेय. त्याच वेळी मगरही तिच्यासोबत काही दिसत नसल्याप्रमाणे वागताना दिसतेय. व्हिडीओमध्ये तुम्ही एक तरुणी मगरीसोबत अगदी आरामात मस्ती करताना पाहू शकता. यादरम्यान ही तरुणी मगरीला पोटाला पकडतानाही दिसतेय. पण तरीही मगर तिच्यावर हल्ला करत नाही. या व्हिडीओवरून तरुणी आणि मगरीमध्ये एक घट्ट मैत्री असल्याचे म्हटले जातेय.

मगर आणि बिकिनी गर्लचा हा व्हिडीओ @gatorboys_chris या इन्स्टाग्राम अकाऊंटवर शेअर करण्यात आला आहे. काही यूजर्सच्या म्हणण्यानुसार, व्हिडीओमध्ये दिसणाऱ्या बिकिनी गर्लचे नाव गॅबी निकोल असे आहे. गेल्या अनेक वर्षांपासून ती मगरींची काळजी घेत आहे. यादरम्यान तिची मगरींसोबत एक चांगली मैत्री झाली आहे. यामुळे अनेकदा ती मगरींसोबत पाण्यात एकत्र मस्ती करतानाचे व्हिडीओ शेअर करत असते.

यू-ट्यूबवर व्ह्यूज मिळवण्यासाठी घडवला विमान अपघात; आता होऊ शकते २० वर्षांच्या तुरुंगवासाची शिक्षा

८ मार्च रोजी तिने सोशल मीडियावर मगरीसोबतचा हा व्हिडीओ शेअर केला होता, जो आता चांगलाच व्हायरल होत आहे. जो आतापर्यंत ४ लाखांहून अधिक यूजर्सनी पाहिला आहे. तसेच अनेक यूजर्सनी त्यावर लाइक्स आणि कमेंट्सचा वर्षाव केला आहे. एका यूजरने कमेंट करत लिहिले की, ‘बघ, नाही तर मगर तुला खाऊन टाकेल.’ तर दुसऱ्या यूजरने कमेंट करत म्हटले की, ‘हे लोक प्राण्यांनाही शांततेत राहू देत नाहीत.’ याशिवाय आणखी एका यूजरने मजेशीर कमेंट करत लिहिले की, ‘मृत्यूला कवटाळण्याचा हा एक चांगला मार्ग आहे.’