रेल्वेत तृतीयपंथी दिसताच पैसे वाचवण्यासाठी दोन मुलांनी काय केलं पाहा VIDEO; नेटकरी म्हणाले, “ही पोरं किती हुश्शार”

काय आहे या व्हिडीओत?

हे उत्तर भारतातील एका एक्स्प्रेस ट्रेनमधील दृश्य असल्याची माहिती आहे. दोन तरुण त्यांच्या सीटवर मजेत बसलेले असतात. सुरुवातीला ते एकमेकांशी हसत‑खेळत हलक्याफुलक्या धक्क्यांद्वारे छेडछाड करीत असल्याचे दिसते. पण काही सेकंदांतच डब्यात एक तृतीयपंथी प्रवेश करतो. तो नेहमीप्रमाणेच विशेष पद्धतीने टाळ्या वाजवत, दाद मागत प्रत्येक सीटकडे येतो. आता पुढे काय घडतं यावरच सगळा खेळ अवलंबून असल्याचं तुमच्या लक्षात येईल.

तृतीयपंथी त्यांच्या केवळ काही पावलं दूर असतानाच दोघंही अचानक आपापल्या सीटवर गाढ झोपलेले असल्याचा अभिनय करू लागतात; डोकं मागे टाकून, तोंडावर हात ठेवून, अगदी स्लीप‑मोडमध्ये. यात्रेकरूंच्या नजरा त्यांच्याकडे वळतात. तृतीयपंथी त्या झोपलेल्या चेहऱ्याकडे पाहून हलकंसं स्मित करतो. दोघांच्या कपाळावर प्रेमळ हात फिरवतो आणि पुढच्या डब्याकडे निघून जातो.

त्यांच्या या स्लीप‑ट्रिकमुळे त्यांनी पैसे द्यायचं संकट टाळलं किंवा निदान तसाच भास तरी निर्माण झाला. त्या क्षणाने नेटिझन्सची करमणूक तर झालीच; पण किरकोळ स्वार्थासाठी केलेलं हे नाटक योग्य की अयोग्य, असा चर्चेचा प्रश्नही निर्माण झाला आहे.

येथे पाहा व्हिडीओ

व्हिडीओवर नेटिझन्सच्या रिअ‍ॅक्शन्स

तुम्ही आत्ताच पाहिलेला व्हिडीओ @Psychhshi नावाच्या अकाउंटवरून X प्लॅटफॉर्मवर पोस्ट करण्यात आला आहे. व्हिडिओ पोस्ट करताना कॅप्शनमध्ये लिहिले आहे, “हे लोक खूप खतरनाक आहेत.” हा व्हिडीओ तुफान व्हायरल झाला. काहींना दोघांनी केलेले नाटक खूप विनोदी वाटले आणि त्यांनी तशा इमोजींचा वर्षाव केला. तर इतरांनी, “एवढा बचाव करायचा असेल, तर फर्स्ट AC मध्ये जा ना”, अशी तक्रारही केली. काहींनी समाजाकडून तृतीयपंथी समुदायाला दिल्या जाणाऱ्या विचित्र वागणुकीवर कटाक्षाने चर्चाही सुरू केली.