Coldplay Concert Andy Byron And HR Kristin Cabot Video : बोस्टनमधील प्रसिद्ध हॉलीवूड रॉक बँड कोल्डप्लेच्या कॉन्सर्टची सध्या सोशल मीडियावर बरीच चर्चा रंगतेय. त्याचे कारण म्हणजे कॉन्सर्टमधील सध्या व्हायरल होणारा एक व्हिडीओ, ज्यामधून एका बड्या कंपनीच्या सीईओचे एचआर हेडबरोबरचं अफेअर आता जगासमोर आलं आहे. एन्स्ट्रोनॉमर कंपनीचे सीईओ अँडी बायरन आणि त्यांच्या कंपनीच्या एचआर हेड क्रिस्टिन कॅबोट यांचं अफेअर कोल्डप्ले कॉन्सर्टमुळे उघडकीस आलं आहे. या दोघांचा एक व्हिडीओ सध्या खूप व्हायरल होतोय, ज्यात दोघं एकमेकांना मिठी मारून अगदी आनंदानं नाचताना दिसतायत. पण, लाइव्ह कॅमेरा आणि स्पॉटलाइटचा फोकस जेव्हा त्यांच्यावर पडतो तेव्हा त्यांनी असं काही केलं की ते पाहून सगळेच चकित झाले.
कोल्डप्लेच्या कॉन्सर्टमुळे अफेअर झालं उघड
व्हिडीओमध्ये तुम्ही पाहू शकता की, कोल्डप्लेचा गायक ख्रिस मार्टिनने कॉन्सर्टदरम्यान किस कॅमचा वापर केला आहे. याच किस कॅमच्या मदतीने कॅमेऱ्यानं एका जोडप्याला स्पॉट केलं आणि एका मोठ्या पडद्यावर त्यांचा रोमँटिक परफॉर्मन्स दाखवण्यात आला. यावेळी दोघेही अगदी कोझी वातावरणात परफॉर्मन्सचा आनंद घेत होते. पण, स्पॉटलाइट आणि किस कॅमचा फोकस त्यांच्यावर रोखला गेला आहे हे जेव्हा दोघांनी पाहिलं तेव्हा त्यांना मोठा धक्का बसला. दोघेही लगेच चेहरा लपवण्याचा प्रयत्न करू लागले. नेमकं घडलं तरी काय ते कोणाला काहीच समजत नव्हते. पण, हा व्हिडीओ जेव्हा व्हायरल झाला तेव्हा सर्वांनाच धक्का बसला. कारण- कोल्डप्लेच्या कॉन्सर्टमध्ये रोमँटिक परफॉर्म करणारी दोघं कुणी साधीसुधी माणसं नव्हती, तर अ‍ॅस्ट्रोनॉमर या प्रसिद्ध कंपनीचे सीईओ अँडी बायरन आणि कंपनीची एचआर हेड क्रिस्टीन कॅबॉट, असे दोघे होते.
व्हिडीओत पुढे कॅमेरा फोकसमध्ये येताच एचआर हेड क्रिस्टीन कॅबॉट मिठीतून दूर होत मागे वळून लाजेनं लगेच तिचा चेहरा लपवते. तर, सीईओ अँडी बायरन कॅमेऱ्यापासून दूर होत खाली बसताना दिसत आहेत. यावेळी कॉन्सर्टचा गायक ख्रिस मार्टिनही दोघांकडे पाहून विनोद करताना दिसला, तो म्हणाला की, हे बघा, हे दोघे जण… कदाचित त्यांचं अफेअर असेल किंवा ते खूप लाजाळू असतील. ख्रिसचे हे शब्द ऐकून उपस्थित प्रेक्षकही जोरात हसू लागतात.
दरम्यान, या व्हिडीओची आता सोशल मीडियावर बरीच चर्चा रंगताना दिसतेय. अनेक सोशल मीडिया अकाउंटवरून हा व्हिडीओ खूप मोठ्या प्रमाणात व्हायरल होतोय. सीईओ अँडी बायरन हे विवाहित आहेत. मेगन केरिगन बायरन असे त्यांच्या पत्नीचे नाव आहे. त्यांना दोन मुलं आहेत; पण या व्हिडीओमुळे त्यांचे एचआर हेडबरोबर विवाहबाह्य संबंध असल्याचे आरोप होत आहेत. अनेक जण त्यांच्या पत्नीविषयी सहानुभूती व्यक्त करीत आहेत. तर अनेकांनी हा व्हिडीओ पाहून तीव्र संताप व्यक्त केला आहे.
काहींनी म्हटलं की, हे इंटरनेटवरील सर्वांत मोठं स्कँडल आहे; तर काहींनी अशा सार्वजनिक ठिकाणी असं कृत्य करणाऱ्या बायरन आणि कॅबॉट यांच्या मूर्खपणावर प्रश्नचिन्ह उपस्थित केलं आहे. मात्र, या प्रकरणावर सीईओ अँडी बायरन किंवा त्यांच्या पत्नीकडून कोणतीही अधिकृत प्रतिक्रिया आलेली नाही
