राहुल गांधींनी ४१ हजारांचा टी-शर्ट घातला? भाजपच्या ट्वीटनंतर सोशल मीडियावरही रंगली चर्चा

केंद्रातील सत्तेपासून सलग आठ वर्षे दूर राहिल्यानंतर काँग्रेसला आता राजकीय मैदान मजबूत करायचे असेल, तर रस्त्यावर उतरावे लागेल, याची जाणीव झाली आहे. त्यामुळे पक्ष ७ सप्टेंबरपासून ‘भारत जोडो यात्रे’वर आहे. काँग्रेस याला व्यापक जनसंपर्क अभियान म्हणत आहे. हा प्रवास एकूण ३५७० किलोमीटरचा आहे. यावेळी काँग्रेसचे माजी अध्यक्ष राहुल गांधी यांची वेगळी शैली पाहायला मिळाली. कुर्ता पायजमा मध्ये दिसणारे राहुल त्या ऐवजी टी-शर्ट आणि पँटमध्ये दिसले. पण लोकांचं लक्ष त्यांच्या बुटांकडे होतं. त्यानंतर सगळ्यांना बुटांची किंमत कळू लागली. आता भाजपाने त्यांच्या टी-शर्टची किंमत सांगून नवा वाद सुरू केला आहे.