Dance Viral Video: सोशल मीडियामुळे अनेक कलाकार नव्याने घडू लागले आहेत. अगदी लहान मुलांपासून ते वयोवृद्धांपर्यंत अनेक जण रील्सद्वारे आपली कला सादर करताना दिसतात. कधी डान्स तर कधी गाणी, अभिनय अशा विविध गोष्टी हौशी कलाकार शेअर करतात. यातील काहींचे व्हिडीओ इतके व्हायरल होतात की ज्यामुळे त्यातील कलाकारांचं संपूर्ण आयुष्य बदलून जातं. दरम्यान, आता एका महिलेचा हळदीच्या कार्यक्रमातील डान्स खूप व्हायरल होत आहे, ज्यातील तिच्या डान्सचं नेटकरी भरभरून कौतुक करताना दिसत आहेत.
तसं पाहायला गेलं तर सामान्य कुटुंबातील महिलांच्या आयुष्यातील बराच वेळ त्यांचं कुटुंब, मुलं, नोकरी, घराची जबाबदारी या सगळ्या गोष्टींभोवती फिरत असतो. यापलीकडे जाऊन त्यांना त्यांचा स्वतःचा वेळ फार कमी मिळतो. पण, त्यातूनही काही हौशी महिला एखाद्या कार्यक्रमात डान्स करून आपली आवड पूर्ण करतात. या व्हायरल व्हिडीओमध्ये अशाच एका महिलेचा डान्स खूप व्हायरल होतोय. ही महिला या व्हिडीओमध्ये ‘कमरिया कमरिया’या फेमस भोजपुरी गाण्यावर डान्स करताना दिसत आहे, ज्यातील एकीने सर्वांचे लक्ष वेधून घेतले आहे.
या व्हायरल व्हिडीओमध्ये तुम्ही पाहू शकता, एका हळदीच्या कार्यक्रमामध्ये काही तरुणी नाचत असून यावेळी एक वयस्कर महिला त्यांच्या जवळ जाते आणि नाचायला सुरुवात करते. यावेळी कमरिया कमरिया हे भोजपुरी गाणं वाजतं. यावेळी ती महिला या गाण्यावर बेभान होऊन नाचायला सुरुवात करते. यावेळी ती डान्सच्या वेगवेगळ्या स्टेप्सही करते आणि जोर जोरात कंबर हालवून नाचते. शिवाय यावेळी तिच्या चेहऱ्यावरचे हावभावही पाहण्यासारखे असतात. सध्या या महिलेचा हा डान्स खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @sangeeta_mishra05 या अकाउंटवर शेअर करण्यात आला असून यावर आतापर्यंत दोन मिलियनहून अधिक व्ह्युज मिळाल्या असून यावर हजारो लाइक्स मिळाल्या आहेत. तसेच यावर अनेक युजर्स कमेंट्स करताना दिसत आहेत.
एका युजरने लिहिलंय की, “अहो काकी जरा हळू.” तर दुसऱ्या युजरने लिहिलंय की, “सध्या सगळीकडे यांचाच डान्स पाहायला मिळत आहे”, तर तिसऱ्या युजरने लिहिलंय की, “वय नाही त्यांचे टॅलेंट बघा.”
