Viral Video: समाजमाध्यमांवर नवनवीन गाणी, डान्स यांचे व्हिडीओ, तसेच विविध प्रकारच्या गोष्टी व्हायरल होत असतात. व्हायरल झालेल्या गाण्यांवर, डायलॉग्ज किंवा डान्स स्टेप्सवर लोक मोठ्या प्रमाणात रील्स बनवताना दिसतात. दरम्यान, आता ‘जादू की झप्पी’ या गाण्यावर एका चिमुकलीने जबरदस्त डान्स केल्याचे पाहायला मिळत आहे.
आजकालच्या अनेक लहान मुलांमध्येही सोशल मीडियाप्रति खूप आकर्षण आहे. नवनवीन गाणी, चित्रपट आणि त्यातील डायलॉग्ज मुलांना तोंडपाठ असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. मोठ्यांप्रमाणेच लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. दरम्यान, आता अशाच एका चिमुकलीचा व्हिडीओ व्हायरल होतोय, जो खूप चर्चेत आला आहे.
या व्हायरल व्हिडीओमध्ये तुम्ही पाहू शकता, एक चिमुकली तिच्या घराच्या टेरेसवर ‘जादू की झप्पी’ या गाण्यावर खूप सुंदर डान्स करताना दिसतेय. या मुलीचे वय पाहता तिच्या डान्स स्टेप्स अन् चेहऱ्यावरील हावभाव अत्यंत कमालीचे आहेत. तिचा हा डान्स पाहून नेटकरीही अनेक कमेंट्स करत तिचं कौतुक करत आहेत.
पाहा व्हिडीओ:
हा व्हिडीओ इन्स्टाग्रामवरील @navyaneerja2 या अकाउंटवरून शेअर करण्यात आला आहे. त्यावर आतापर्यंत हजारो व्ह्युज आणि हजारो लाइक्स मिळाल्या आहेत. त्यावर अनेक युजर्स कमेंट्स करीत आहेत. एका युजरने कमेंटमध्ये लिहिलेय,“आईच्या गावात खतरनाक डान्स” आणखी एकाने लिहिलेय, “किती सुंदर नाचतेस” आणखी एकाने लिहिलेय, “एकच नंबर नाचलीस.”
