बापरे! बेडकाने जिवंत साप खाल्ला, व्हिडीओ होतोय व्हायरल

बेडूक हा प्राणी आपल्या सर्वांना माहिती असेल. बेडकाच्या शरीराचे तापमान वातावरणातील तापमानानुसार बदलत असते. बेडृक खूप उष्ण आणि खूप थंड वातावरणही सहन करू शकत नाही. साप बेडकाला खातो, हे तुम्हाला माहिती असेलच त्यामुळे बेडकाने सापाला खाल्ले, ही कल्पना सुद्धा आपण करू शकत नाही. तुम्ही कधी बेडूक सापाला खाताना पाहिले आहे का? तुम्हाला वाटेल हे कसं शक्य आहे, पण हे खरंय. काही बेडूक सापाला खाऊ शकतात. कदाचित तुम्हाला विश्वास बसणार नाही पण त्यासाठी तुम्हाला हा व्हिडीओ नीट पाहावा लागेल.

या व्हायरल व्हिडीओमध्ये तुम्हाला दिसेल की बेडूक जिवंत सापाला खाताना दिसत आहे. बेडकाने चक्क तोंडास साप धरला आहे. हा व्हिडीओ पाहून अनेकांच्या अंगावर काटा येईल. व्हिडीओत तुम्हाला दिसेल की बेडकाने सापाचा मागील भाग तोंडात पकडला आहे. त्यामुळे साप जीवाचा आकांत करुन जीव वाचवण्याचा प्रयत्न करताना दिसतोय. सहसा साप बेडकाला खातानाचे अनेक व्हिडीओ तुम्ही पाहिले असेल पण बेडकाने सापाला खातानाचा हा व्हिडीओ पाहून तुम्हालाही धक्का बसेल.

हेही वाचा : गौतमी पाटीलही या चिमुकल्यासमोर फिकी पडेल! केला भन्नाट डान्स, गौतमीच्या कार्यक्रमातील व्हिडीओ व्हायरल

BlissContent या एक्स अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “अन्न साखळी तुटताना दिसत आहे” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “बेडूक सापाचा बदला घेत आहे” १,६५४ लोकांनी हा व्हिडीओ बघितला आहे.