‘राजं संभाजी’, गाण्यावर परदेशातील प्रसिद्ध इन्फ्लुएन्सर रिकी पाँडचा जबरदस्त डान्स; Video पाहून युजर्स करतायत कौतुक

समाजमाध्यमांवर खूप प्रसिद्ध असलेला रिकी पाँड नेहमीच भारतातील विविध गाण्यांवर डान्स करताना दिसतो. नुकत्याच काही दिवसांपूर्वी त्याने काली बिंदी या मराठी गाण्यावरही सुंदर डान्स केला होता. आता व्हायरल होत असलेल्या व्हिडीओतही तो खूप सुंदर डान्स करताना दिसत आहे.

या व्हिडीओमध्ये तुम्ही पाहू शकता की, रिकी पाँडने भगव्या रंगाचा कुर्ता आणि पांढऱ्या रंगाचा पायजमा घालता असून तो ‘राजं संभाजी’ या गाण्यावर जबरदस्त डान्स करीत आहे. यावेळी ते गाण्यातील प्रत्येक स्टेप सुंदर करत असून तो व्हिडीओमध्ये ‘छत्रपती संभाजी महाराज की जय’ असंदेखील म्हणतो. रिकी पाँडचा हा व्हिडीओ पाहून अनेक जण त्याचं कौतुक करत आहेत.

हेही वाचा: ‘सोनी कितनी सोनी आज तू लगती वे…’ गाण्यावर मुंबईतील रस्त्यावर परदेशातील तरुणांचा भन्नाट डान्स; VIDEO होतोय व्हायरल

पाहा व्हिडीओ:

हा व्हिडीओ इन्स्टाग्रामवरील @ricky.pond या अकाउंटवरून शेअर करण्यात आला आहे. या गाण्याला आतापर्यंत एक लाखांहून अधिक व्ह्युज आणि १४ हजारांहून अधिक लाइक्स मिळाल्या आहेत. तसेच यावर युजर्स अनेक कमेंट्स करतानाही दिसत आहेत. त्यावर एकाने लिहिलेय, “सुंदर डान्स सर”, दुसऱ्या एकाने कमेंटमध्ये लिहिलेय, “तुम्ही भारतीय पेहरावात खूप छान दिसत आहात.” आणखी एकाने लिहिलेय, “एकदम जबरदस्त डान्स केला सर.” तर आणखी एकाने लिहिलेय, “मन जिंकलं सर तुम्ही.”