viral video: तुम्ही सोशल मीडियावर अनेकदा लहान मुलांचे असे अनेक व्हिडीओ पाहिले असतील किंवा त्यांना असं काही बोलताना ऐकलं असेल ज्याने तुम्ही भावूक झाला असाल. सोशल मीडियावर लहानग्यांच्या पराक्रमाचे अनेक व्हिडीओ फिरत असतात. आपण नेहमी म्हणत असतो ‘मुले देवाघरची फुले’ लहान मुलं किती निरागस असतात, मात्र कधी कधी मोठ्यांनाही लाजवेल असं काम लहान मुलं नकळत करुन जातात. असाच एक व्हिडीओ सध्या सोशल मीडियावर व्हायरल होत असून या चिमुकलीनं सर्वांचंच लक्ष वेधलं आहे.
मुले देवाघरची फुले…
निरागस, गोंडस आणि अगदी निर्मळ मनाची ही चिमुरडी अनेक वेळा असं काही तरी बोलतात किंवा करतात की आपण सगळे अवाक् होतो. यांच्यासाठी ना कोणी मोठा ना कोणी लहान, ना कुठली जात, श्रीमंत काय आणि गरीब काय यांच्यासाठी सगळं एक सारखं असतं. आता समोर आलेल्या व्हिडीओमध्ये तुम्ही पाहू शकता एक चिमुकली रस्त्याच्या कडेला बसलेल्या एका वृद्ध व्यक्तीला मदत करताना दिसत आहे. आपण अनेक वेळा रस्त्याच्या कडेला बसलेले बेघर लोक बघतो. त्यांची आपल्याला दया येते मात्र काही वेळा आपण काहीच करु शकत नसतो. या व्हिडीओमध्ये आपण पाहू शकतो, त्या वृद्धाचा हात सतत थरथरतो आहे, हे तिथे असलेल्या एका लहान मुलीने पाहिले. त्या आजोबांची पाणी पिण्यासाठी धडपडत तिने पाहिली आणि क्षणात आजोबांना बाटलीतून पाणी पिण्यास मदत केली.
पाहा व्हिडीओ –
हेही वाचा – पुत्र व्हावा ऐसा…! पायलट बनून मुलानं गावचं पांग फेडलं, बापानं थेट हेलिकॉप्टरमधून केली पृष्पवृष्टी
हा व्हिडीओ पाहून नेटकरी चिमुकलीच खूपच कौतुक करत आहेत. सोशल मीडियावर चिमुकलीनं सगळ्यांचीच मन जिंकून घेतली आहेत. या व्हिडीओला आतापर्यंत २ लाखांहून अधिक व्ह्यूज मिळाले आहेत.
