धक्कादायक! शिक्षिकेनं चिमुरडीला लगावल्या ३५ कानशिलात; सीसीटीव्ही VIDEO त क्रूर वागणूक कैद…

Shocking video viral: तुम्हीही तुमच्या मुलांना प्ले गृप, नर्सरीमध्ये पाठवता का? हो तर मग हा व्हिडीओ नक्की बघा.

Gujarat Teacher Arrested For Beating Up 4-Year-Old Girl In School

नर्सरीमध्ये मुलं किती सुरक्षित

आजकालच्या व्यस्थ जीवनशैलीमुळे पालकांना मुलांसाठी फारसा वेळ देता येत नाही. अशावेळी पालक अगदी शाळेत जाण्याआधीच मुलांना प्ले गृप म्हणा पाळणा घर म्हणा यांसारखे पर्याय शोधून त्याठिकाणी पाठवतात. म्हणजे त्यांना कामावरही जाता येत आणि मुलंही सुरक्षित आहेत असं वाटतं. तुम्हीही अशाच पद्धतीने तुमच्या मुलांना पाळणा घर किंवा प्ले गृपमध्ये पाठवत असाल आणि तुम्हालाही वाटतंय की तुमची मुलं सुरक्षित आहेत, तर हा व्हिडीओ नक्की पाहा. लहान मुलांना शाळेत कसं वागवावं याबाबत अनेक नियम आहेत. पण, शिक्षकांकडून त्या नियमांचं सर्रास उल्लघन होतं. गुजरातमधील एका प्ले गृपच्या सीसीटीव्ही फुटेज तपासत खळबळजनक गोष्ट समोर आली. हा व्हिडीओ पाहून तुमच्याही पायाखालची जमीन सरकेल.

तुम्हीही तुमच्या मुलांना प्ले गृप, नर्सरीमध्ये पाठवता का?

ही घटना गुजरातमधील असून ज्यामध्ये एक महिला शिक्षिका एका चिमुरडीला चापट मारत आहे. आश्चर्याची गोष्ट म्हणजे या शिक्षिकेनं त्या चिमुरडीला तब्बल ३० ते ३५ वेळा कानशिलात मारलं. हा संपूर्ण प्रकार सीसीटीव्ही कॅमेरात कैद झाला आहे. दरम्यान या प्रकरणाची पोलिसांनी नोंद घेतली असून शिक्षकेवर कारवाई करण्यात आली आहे. या व्हिडीओमध्ये शिक्षिकेचा निर्दयीपणा कैद झाला आहे.

पायाखालची जमीन सरकेल

या व्हिडीमध्ये तुम्ही पाहू शकता, शिक्षिका मुलीच्या बाजुलाच बसलेली दिसत आहे, याच दरम्यान शिक्षिका चिमुरडीला मारु लागते, बरं ती एक दोनवेळा नाहीतर सलग ३० ते ३५ वेळा चिमुरडीला मारताना दिसत आहे. आजूबाजूला तिच्याएवढीच सगळी लहान मुलं दिसत आहेत.

पाहा व्हिडीओ

સુરતની સાધના નિકેતન સ્કૂલની શિક્ષિકાની ક્રૂરતા…વિડિયો જોઈ તમારા પર રુવાંટા ઉભા થઈ જશે#Surat #School #Teacher @prafulpbjp pic.twitter.com/3uz2pRjSmH
— Jay Acharya ( Journalist ) (@AcharyaJay22_17) October 11, 2023

हेही वाचा >> बापरे! या समुद्रकिनारी रात्री अचानक काय झालं? दुकाने बंद करुन पळाले लोक, पाहा व्हायरल VIDEO

मुलीच्या पालकांनी सांगितले की, त्यांची मुलगी शाळेतून घरी आली तेव्हा तिच्या पाठीवर लाल वळ दिसले. याबाबत त्यांनी मुलीला विचारले असता तिने काहीच सांगितले नाही. यानंतर पालकांनी थेट शाळेत जाऊन मुख्याध्यापकांची भेट घेतली. यानंतर त्यांनी वर्गात बसवलेले सीसीटीव्ही फुटेज तपासले असता शाळेतील शिक्षकाने मुलीला अशाप्रकारे निर्दयी मारहाण केल्याचे समोर आले. हा व्हिडीओ व्हायरल झाला असून, नेटकरी संताप व्यक्त करत आहेत.