फूड आणि क्विक कॉमर्स डिलिवरी प्लॅटफॉर्म स्विगीच्या IPO चे आज शेअर बाजारात पदार्पण झाले. दरम्यान लोकप्रिय अन्न वितरण (food delivery) आणि रेस्टॉरंट एग्रीगेटर असलेल्या Zomato ने त्याच्या प्रतिस्पर्ध्यांचे शेअर मार्केटमध्ये हार्दिक स्वागत केले.
कंपनीने सोशल मीडिया प्लॅटफॉर्म Instagram वर एक पोस्ट शेअर केली आहे ज्यामध्ये Zomato आणि Swiggy चे प्रतिनिधित्व करणाऱ्या (कपंनीचे लोगो असलेले टी शर्ट परिधान केलेल) दोन व्यक्ती बॉम्बे स्टॉक एक्सचेंजच्या इमारतीसमोर शेजारी-शेजारी उभे आहेत. बॉम्बे स्टॉक एक्सचेंजच्या इमारतीवर ” नाऊ लिस्टेड- स्विगी” असे लिहिलेले दिसत आहे. आघाडीच्या फूड डिलिव्हरी प्लॅटफॉर्ममधील या मैत्रीपूर्ण पोस्टने सोशल मीडियावर अनेकांची मने जिंकली आहेत. झोमॅटोने आपल्या खिलाडु वृत्ती दाखवण्याची ही पहिलीच वेळ नाही. २०२४ मध्ये, कंपनीने सार्वजनिक झाल्यावर एकजुटीचा समान संदेश देणारी पोस्ट शेअर केली होती.
येथे पाहा पोस्ट
“तु आणि मी… या सुंदर जगात” असे कॅप्शन दिलेली हा फोटो दोन कंपन्यांच्या संबंधावर प्रकाश टाकते आहे. या पोस्टला आतापर्यंत जवळपास एक लाख लाईक्स मिळाले आहेत. स्विगी आणि इतर इंस्टाग्राम वापरकर्त्यांनी पोस्टवर कशी प्रतिक्रिया दिली ते जाणून घ्या
झोमॅटोच्या पोस्टला प्रतिसाद देताना स्विगीने लिहिले: “हे जय आणि वीरू आहेत ”
हेही वाचा –रिलच्या नादात महिलेच्या पदराला लागली आग, जळता पदर घेऊन धावत सुटली, Video Viral
ब
स्विगी व्यतिरिक्त, इतर अनेक ब्रँडने पोस्टवर कमेंट करत प्रतिक्रिया व्यक्त केली.
फिनटेक प्लॅटफॉर्म पेटीएमने लिहिले: “अरे वाह, चला पटकन केक ऑर्डर करा, पैसे तुझा भाऊ देईल. #PaytmKaro”
हेही वाचा –झोमॅटोच्या फूड रेस्क्यूबाबत ग्राहकाने मांडले मत, सीईओ गोयल यांनी दिली थेट नोकरीची ऑफर, पोस्ट चर्चेत
कोका कोलाने लिहिले: “सर्वात महान मैत्रींपैकी एक”
नेटफ्लिक्सने लिहिले की, “हे प्रेम मैत्री आहे”
अॅमेझोन प्राइमने लिहिले की, “आज दोन मित्र एका कपात चहा पिणार”
देशांतर्गत ऑडिओ ब्रँड बोल्ट ऑडिओने लिहिले, “आजची पार्टी यांच्याकडून”
सॉफ्ट ड्रिंकच्या ब्रँड स्प्राईटने लिहिले आहे “ये दोस्ती हम नहीं तोड़ेंगे(ही दोस्ती तुटायची नाय)”
एचडीएफसी बँकने कमेंट करत लिहिले: “ सर्वत्र मैत्रीपूर्ण वातावरण आहे! अभिनंदन, @swiggyindia ”
शादी डॉट कॉम आणि भारत मॅट्रिमोनिअल सारख्या वैवाहिक प्लॅटफॉर्मने देखील कमेंट केली. शार्क टँक जज आणि Shaadi.com च्या मालक असलेले अनुपम मित्तल यांनी लिहिले की: “या जोडीला कोणाची नजर नको लागायला”
तर भारत मॅट्रिमोनिने लिहिले: “भारताचे नवे कपल गोल( couple goals)”
दरम्यान, “firstcravingfood” नावाच्या एका क्लाउड किचन अकाउंटने स्विगीवर टीका केली की, “@swiggyindia प्रिय स्विगी टीम,
तुम्ही प्रदान केलेल्या प्लॅटफॉर्मची मी प्रशंसा करतो, परंतु मी Zomato च्या तुलनेत काही आव्हाने पाहिली आहेत. Zomato जाहिराती चालवण्यासाठी आमच्यावर दबाव आणत नसताना, परिणामांची खात्री नसतानाही, Swiggy चे व्यवस्थापन अनेकदा असे करते. माझा विश्वास आहे की, ऑर्डरची सुसंगतता सुधारण्यावर लक्ष केंद्रित करणे, अधिक लवचिक जाहिरात पर्याय ऑफर करणे आणि रेस्टॉरंट मालकांना अधिक समर्थन देण्यासाठी तुमच्या टीमला प्रशिक्षण दिल्याने मोठा फरक पडू शकतो.”
