Viral Video : ढोल ताशाच्या तालावर नाचणाऱ्या जपानी नवरीचा मराठमोळा थाट! नऊवारी, दागिने अन् मुंडवळ्यासह केला साज शृंगार

व्हिडीओमध्ये एक जपानी तरुणी महाराष्ट्रीयन वधूच्या पोशाखात ढोल ताशाच्या ठेक्यावर नाचताना दिसत आहे. महाराष्ट्रीयन वधूप्रमाणेच या जपानी तरुणीने पांरपारीक नऊवारी साडी नेसली आहे, पारंपारिक महाराष्ट्रीयन दागिने परिधान कले आहेत, मुंडवळ्या बांधल्या आहेत. नवरीच्या वेशात तरुणी अतिशय सुंदर दिसत आहे. ढोल ताशाच्या नाद ऐकून तीही स्वत:ला नाचण्यापासून रोखू शकली नाही. ठेक्यावर तिला नाचताना पाहून नेटकरी थक्क झाले आहे. व्हिडीओमध्ये मराठमोळ्या वेशभुषेतील नवरदेवही दिसतो आहे. हा व्हिडीओ शेअर करताना कॅप्शनमध्ये लिहिले आहे “झक्कास नवरी”

हेही वाचा – “उंच आकाशात तरंगणाऱ्या ट्रॅम्पोलिनवर उड्या मारताना दिसले लोक!” थरारक व्हिडिओ पाहून आनंद महिंद्रा म्हणाले, “माझ्या बकेट लिस्ट…”

आणखी एका व्हिडीओमध्ये महाराष्ट्रीन पद्धतीने हा लग्न सोहळा पार पडल्याचे दिसत आहे. व्हिडीओमध्ये जपानी तरुणीचे आई-वडीलही महाराष्ट्रीय पोशाखात दिसत आहे. जपानी नवरीच्या आईने साडी नेसली आहे तर वडीलांनी कुर्ता – पायजमा आणि त्यावर नेहरू जॅकेट परिधान केले आहे. हा व्हिडीओ शेअर करताना कॅप्शनमध्ये लिहिले आहे की, “खऱ्या प्रेमाला कोणतीही सीमा नसते याचा हा पुरावा आहे.”

सोशल मीडियावर दोन्ही व्हिडीओ तुफान व्हायरल होत आहे. एकाने व्हिडीओवर कमेंट करत लिहिले की,”किती भारी दिसतेय नवरी महाराष्ट्रीयन संस्कृतीत. महाराष्ट्राचे संस्कार आणि संस्कृती एवढी छान आहे परदेशातील लोकांना भुरळ पाडतेय.” दुसऱ्याने लिहिले की, “खुप भारी दिसते” तिसऱ्याने लिहिले की, “ती खूप गोड दिसते आहे.” चौथ्याने लिहिले की, “ती खूप आनंदी आहे.”

हेही वाचा – भटक्या कुत्र्यांना महापालिकेने पकडले अन् बाईकस्वाराने केले मुक्त; चालत्या वाहनातून उड्या मारणाऱ्या कुत्र्यांचा Video Viral

आणखी एकाने लिहिले की, “प्रेम असावं तर असं ज्यात रूप , जात , धर्म , वागण न बघता मन जपणारा जोडीदार असावा जो प्रत्येकाच्या नशिबी नसतो”
एकाने मजेशीर शैलीत लिहिले, “जॅपनीज वहिणी भारतामध्ये स्वागत आहे.”