मध्य प्रदेशातील कुनो राष्ट्रीय उद्यानातून आफ्रिकेतून आलेल्या मादी चित्ता गामिनीने ५ नव्हे तर तब्बल ६ पिलांना जन्म दिला आहे. १० मार्च रोजी पिलांची संख्या ५ असल्याचे सांगण्यात आली होती. पण केंद्रीय पर्यावरण मंत्री भूपेंद्र यादव यांनी आज पुन्हा पिलांचे काही फोटो आणि व्हिडीओ सोशल मीडियावर शेअर करत पिलांची संख्या ६ असल्याचे सांगितले आहे. विशेष म्हणजे ६ पिलांना जन्म देत मादी चित्ता गामिनीच्या नावावर आता नवा वर्ल्ड रेकॉर्ड नोंदवला गेला आहे. केंद्रीय पर्यावरण मंत्री भूपेंद्र यादव यांनी एक्सवर (ट्विटर) व्हिडीओ, फोटो शेअर करत लिहिले की, खूप आनंद झाला, पाच नाही तर सहा पिल्लं आहेत. गामिनीने पाच पिल्लांना जन्म दिल्याच्या बातमीच्या एक आठवड्यानंतर आता तिने सहा पिल्लांना जन्म दिल्याची पुष्टी झाली आहे. अशाप्रकारे पहिल्यांदाच आई झालेली गामिनी सहा पिलांना जन्म देणारी पहिला मादी चित्ता बनली आहे. https://twitter.com/byadavbjp/status/1769577412315283602?ref_src=twsrc%5Etfw%7Ctwcamp%5Etweetembed%7Ctwterm%5E1769577412315283602%7Ctwgr%5E32f70cb34665ff439341191df34610e978a3ab93%7Ctwcon%5Es1_&ref_url=https%3A%2F%2Fwww.news18.com%2Findia%2Fkuno-park-cheetah-gamini-gives-birth-to-6-cubs-union-environment-minister-bhupender-yadav-8819579.html भारतात चित्त्यांच्या संवर्धनासाठी प्रोजेक्ट चित्ता सुरु करण्यात आला. याअंतर्गत २ टप्प्यांमध्ये नामिबिया आणि दक्षिण आफ्रिकेतून २० चित्ते आणण्यात आले, यापैकी ७ चित्त्यांचा मृत्यू झाला, तर १३ पिल्लांचा मृत्यू झाला. यामुळे कुनोमध्ये चित्यांची संख्या आता २७ झाली आहे, त्यात १४ पिल्लांचा समावेश आहे. गामिनीने पिल्लांना जन्म देण्याआधी यावर्षी जानेवारी महिन्यात मादी चित्ता आशाने ३ पिल्लांना जन्म दिला होता.