भटक्या श्वानांचे अन् बिबट्याच्या हल्ल्याचे कित्येक व्हिडिओ सोशल मीडियावर व्हायरल होत असतात. दरम्यान एका बिबट्याने श्वानावर हल्ला केल्याचा एक थरारक व्हिडिओ सोशल मीडियावर सध्या चर्चेत आला आहे. व्हायरल व्हिडिओ उत्तराखंडमधील असून सोमवारी दुपारी २ वाजताच्या सुमारास हा प्रकार घडल्याचे समजते आहे. व्हिडीओमध्ये झोपलेल्या श्वानावर हल्ला अचानक एका बिबट्याने हल्ला केला पण रस्त्यावरील इतर श्वान मदतीला धावून आले आणि सर्वांनी मिळून बिबट्यावर हल्ला केला ज्यामुळे बिबट्याला तेथून पळ काढावा लागला. हा सर्व प्रकार व्हिडीओमध्ये कैद झाला आहे. या घटनेचा व्हिडिओ सोशल मीडियावर तुफान व्हायरल होत आहे.
@Digital_Sambhal या हँडलवरून शेअर केलेल्या व्हायरल व्हिडिओमध्ये, एक बिबट्या शांतपणे एका निर्जन रस्त्यावर प्रवेश करताना दिसतो, अचानक झोपलेल्या श्वानावर बिबट्या हल्ला करतो. श्वानाची मान जबड्यात पकडतो, जे एक प्राणघातक पाऊल असल्याचे दिसून येते. घाबरलेल्या आणि तावडीत सापडलेल्या, श्वानाने बिबट्याट्या मजबूत पकडीतून सुटण्यासाठी धडपड केली.
पण व्हिडिओ भयानक वळण घेत असतानाच, एक अनपेक्षित प्रकार घडला. रस्त्यावरील इतर भटक्या श्वानांच्या टोळीने मोठे धाडस केले. श्वानांची टोळी जोरात भुंकत तेथे आला आणि न घाबरता बिबट्याचा सामना केला. श्वानांच्या टोळीने उल्लेखनीय एकता दाखवत बिबट्याला पळवून लावण्यात यश मिळवले आणि त्यांच्या साथीदाराला त्याच्या तावडीतून वाचवले.
व्हिडिओ शेअर करताना कॅप्शनमध्ये लिहिले, “उत्तराखंड: हरिद्वारमध्ये, एका बिबट्याने रस्त्यावर झोपलेल्या श्वानावर हल्ला केला. त्याने त्याची मान धरली. दरम्यान, इतर अनेक श्वान आले. त्यांनी बिबट्यावर हल्ला केला आणि त्याला पळवून लावले.”
येथे पहा:
या व्हिडिओने प्रेक्षकांना धक्का बसला आहे आणि भावूकही केले आहे, अनेक सोशल मीडिया वापरकर्त्यांनी जखमी श्वानाबद्दल चिंता व्यक्त केली आहे. “जखमी झालेल्या श्वानाला पशुवैद्यकीय उपचार देण्यात आले होते,” एका वापरकर्त्याने लिहिले. “शत्रू कितीही शक्तिशाली असला तरी, एकता कोणालाही पराभूत करू शकते. मानवांनीही या प्राण्यांकडून शिकण्याची गरज आहे,” दुसऱ्या वापरकर्त्याने कमेंट केली.
“काळा श्वानाकडे पाहून वाटते त्यासाठी आधी मित्र महत्त्वाचा आहे, जणू तो सांगत आहे की मी माझ्या मित्रासाठी मरण्यासाठी तयार आहे.” तिसऱ्या वापरकर्त्याने कमेंट केली. “फक्त हे दाखवून दिले की जर काही कुत्रे एकत्र आले तर ते सिंहालाही मारू शकतात.
गेल्या वर्षी, राजस्थानच्या माउंट अबू येथील एका घराच्या बागेत शिरलेल्या बिबट्याशी एका पाळीव श्वानाच्या लढाईचा व्हिडिओ इंटरनेटवर धुमाकूळ घालत होता. या व्हिडिओमध्ये एका बिबट्याने मान चावण्याचा प्रयत्न केल्यानंतर एका लॅब्राडोर रिट्रीव्हरने धैर्याने सुटका करण्याचा प्रयत्न केला होता.
