सोशल मीडियावर कधी काय व्हायरल होईल याचा नेम नाही. अनेकदा असे व्हिडीओ व्हायरल होतात, ज्याचा आपण कधी विचारही केला नसेल. असे व्हिडीओ पाहून अनेकदा आश्चर्यच वाटतं.
तसंच अनेकदा रस्ते अपघातांचे व्हिडीओ व्हायरल झालेले आपण पाहतो. यातले अपघात गंभीर असतात आणि ते पाहून अक्षरश: अंगावर काटा येतो. पण, काही अपघात नकळत होतात तर काही अपघात लोकांच्या एका लहानशा चुकीमुळेदेखील होतात. सध्या असाच एक व्हिडीओ सोशल मीडियावर व्हायरल होतोय, ज्यात एका माणसाच्या मजेमुळे दुसरा माणूस संकटात सापडतो. नेमकं असं घडलं तरी काय, ते जाणून घेऊ या…
एक चूक पडली महागात
सोशल मीडियावर व्हायरल झालेला हा व्हिडीओ पाहून तुम्हाला हसावं की रडावं हेच कळणार नाही. या व्हिडीओमध्ये एका माणसाने रस्त्याच्या कडेला आपली बाईक लावली आणि हेल्मेट घालून अचानक रस्त्यावर नाचू लागला. आजूबाजूचं भान न ठेवता तो अगदी आपल्याच धुंदीत डान्स करताना दिसतोय. तेवढ्यात मागून एक बाईक आली आणि समोर डान्स करत असलेल्या माणसाचा अंदाज न आल्यामुळे बाईक माणसाला धडकली आणि बाईकसह दुचाकीस्वार आणि तो माणूस दोघंही खाली कोसळले. खाली कोसळताच डान्स करणारा माणूस उठला आणि दुचाकीस्वाराची मदत करू लागला.
इन्स्टाग्रामवर व्हायरल झालेला व्हिडीओ @autohelpermarathi या अकाउंटवरून शेअर करण्यात आला असून या व्हिडीओला “मोर उडाला राव” अशी कॅप्शन देण्यात आली आहे. व्हिडीओ व्हायरल होताच याला तब्बल १.३ मिलियन व्ह्युज आले आहेत.
युजर्सच्या प्रतिक्रिया
सोशल मीडियावर व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “हा मोर अचानक कसा काय उडायला लागला”, तर दुसऱ्याने “बाईकवाल्याला दिसला नाही का एवढा मोठा मोर” अशी कमेंट केली; तर तिसऱ्याने कमेंट करत लिहिलं, “मोरामुळे बाईकवाल्याचं तोंड फुटलं.”
