प्रेम म्हणजे फक्त क्षणिक भावना नाही, तर ती आठवण असते — जिचं अस्तित्व काळाच्या पल्याडही टिकून राहतं.ती एक अशी भावना असते, जी नातं तुटलं तरी मनात कुठेतरी जिवंत असते. कधी एक हळवी आठवण, तर कधी नकळत डोळ्यात तरळणारा अश्रू बनून ती परत भेटते. एखाद्याचे नातं तुटते, संवाद संपतो पण हृदयातील ते प्रेम काही संपत नाही म्हणूनच कदाचित अस म्हणतात की, “खरं प्रेम कधीही विसरता येत नाही.” असंच काहीसं एका फळविक्रेत्याबरोबर घडलं आहे. त्याने व्हिडीओमध्ये आपल्या १० वर्षांपूर्वीच्या प्रेमाची गोष्ट सांगितली आहे जी प्रेक्षकांच्या मनाला भावली आहे.
“प्रेमात असलेले पुरुष” हा विषय एकेकाळी क्वचितच चर्चेत असलेला विषय होता, पण आता तो हळूहळू वारंवार चर्चेत येणारा विषय ठरत आहे. रीलपासून ते लाँग-फॉर्म कंटेंटमार्फत अधिकाधिक पुरुष त्यांच्या भावना आणि त्यांच्या दुखवणाऱ्या गोष्टी व्यक्त करत आहे. नेटिझन्स देखील थेट मत बनवण्यापूर्वी त्यांचे मत सहानुभूतीने ऐकून घेत आहेत, या पुरुषांना समजून घेण्याचा प्रयत्न करत आहे.
याच कामासाठी ओळखली जाणारीएक कंटेंट क्रिएटर म्हणजे इंस्टाग्रामवर ‘Soulshine’. ती विविध क्षेत्रातील पुरुषांशी संवाद साधते आणि त्यांना त्यांच्या अंतरंगातील भावनांबद्दल बोलण्यास हळूवारपणे प्रोत्साहित करते. आपल्या पहिल्या प्रेमाची आठवण सांगणार्‍या फळ विक्रेत्याचा व्हिडिओ सध्या तुफान व्हायरल होत आहे. इंस्टाग्रामवर ‘Soulshine’ नावाच्या क्रिएटरने हा व्हिडिओ पोस्ट केला आहे. ती रस्त्यावर वेगवेगळ्या पुरुषांशी भावनिक विषयांवर संवाद साधते आणि त्यांच्या हृदयातल्या भावना, आठवणी समजून घेते. त्या मालिकेतीलच एक भाग सध्या प्रचंड व्हायरल होतोय.
हृदयस्पर्शी व्हिडिओमध्ये ती फळविक्रेत्याला त्याच्या पहिल्या प्रेमाबद्दल विचारते. विक्रेता आधी शांत होतो नंतर स्पष्टपणे सांगतो की,: “१० वर्षांनंतरही, मी अजूनही तिची आठवण काढत आहे. ती माझं प्रेम आहे.).”
तेव्हा ती विचारते, “तुम्ही शेवटचं कधी रडलात?” त्यावर तो तो हळूच म्हणतो, “जेव्हा प्रेम झालं होतं…”
ती पुढे म्हणाली, “तुम्ही प्रेमात कधी पडला होता” तो मंद स्मितहास्य करत म्हणतो, “१० वर्षे झाली… आता सर्व काही वेगळे आहे. मला अजूनही ती मुलगी आठवते. तिचे लग्न झाले आणि मीही लग्न केले.”
जेव्हा निर्मात्याला विचारले की,”इतक्या दिवसांनी तिला अजूनही तिची आठवण कशी आहे: तेव्हा तो म्हणतो,”जेव्हा तुम्ही एखाद्यावर खरोखर प्रेम करता, तेव्हा तुम्हाला ते नेहमी लक्षात राहतात”
ते वेगळे का झाले असे जेव्हा तरुणी त्याला विचारले तेव्हा तो सांगतो की,”दोन्ही कुटुंबांनी त्यांचे लग्न वेगवेगळ्या लोकांशी केले आणि त्यात त्यांचा काहीही सहभाग नव्हता.”
आश्चर्याची गोष्ट म्हणजे तो उघड करतो की तो अजूनही त्याच्या पहिल्या प्रेमाच्या संपर्कात आहे. आयुष्याने त्यांना वेगवेगळ्या दिशेने नेण्यापूर्वी ते आठ वर्षे एकत्र होते हे देखील तो नमूद करतो.
सोलशाइनने हा व्हिडिओ कॅप्शनसह शेअर केला आहे: “प्रेमात काहीतरी खूप सुंदर आहे, आपण कितीही विसरण्याचा प्रयत्न केला तरी ते कायमचे टिकून राहते. मी एकदा ऐकले होते की, माणूस कधीही त्याचे पहिले प्रेम खरोखर विसरत नाही. आज, मी ते स्वतः पाहिले आहे. त्याचे प्रेम फक्त एक आठवण नव्हती, ती एक भावना होती जी मिटू देत नव्हती. अव्यक्त, अटल, अविस्मरणीय. अशा प्रकारचे प्रेम फक्त प्रेमात असलेला माणूसच त्याच्या हृदयात कायमचे वाहून नेतो.”
या व्हिडिओने ऑनलाइन खोलवर भावनिक संवेदना निर्माण केल्या आहेत, ज्याला ६४ दशलक्षाहून अधिक व्ह्यूज मिळाले आहेत. अनेक सोशल मीडिया वापरकर्त्यांनी त्या माणसाच्या असुरक्षिततेचे आणि प्रामाणिकपणाचे कौतुक केले आहे, तर इतरांनी मिश्र प्रतिक्रिया दिल्या आहेत, विशेषतः त्या माणसाच्या पत्नीबद्दल.
एका वापरकर्त्याने लिहिले, “हे खरंतर योग्य नाहीये… त्याच्या पत्नीबद्दल वाईट वाटत आहे. निष्ठेचा अभाव आहे.” दुसऱ्या वापरकर्त्याने म्हटले, “नाही, त्याच्या पत्नीचे काय? ती त्याला अजिबात पात्र नाहीये.”
तिसऱ्या व्यक्तीने लिहिले की,”तो अजूनही आतून भावनिक आहे.” चौथ्या व्यक्तीने कमेंट केली, “तुमच्या भावना आजही तुमच्या चेहऱ्यावर स्पष्ट दिसतात.”
