Viral Video : आजकाल मानवी वस्तीत माकडांचा वावर वाढला आहे. अनेक ठिकाणी माकडे धुमाकूळ घालताना, नासधूस करताना दिसून येतात. अनेकदा माकडांचा खोडकरपणा त्रासदायकही ठरतो. सोशल मीडियावर माकडांचे अनेक व्हिडीओ चर्चेत येत असतात. सध्या असाच एक व्हिडीओ सोशल मीडियावर खूप व्हायरल होत आहे. या व्हिडीओमध्ये माकड एका चिमुकलीला फरफटत नेताना दिसत आहे.
या व्हायरल व्हिडीओमध्ये तुम्हाला दिसेल की, एका बाकावर लहान मुले बसलेली असतात. तितक्यात अचानक एक माकड लहान मुलांच्या बाइकवर बसून येतं आणि बाकावर बसलेल्या लहान मुलीला फरफटत घेऊन जातं. व्हिडीओ पाहून तुमच्याही अंगावर काटा येईल. तितक्यात लोक ओरडायला सुरुवात करतात तेव्हा माकड मुलीला सोडतं आणि पळून जातं. हा संपूर्ण प्रकार व्हिडीओमध्ये कैद झाला आहे.
हेही वाचा : भावाने एक फटका मारला अन् बहिणीने धरून हाणला! व्हिडीओ पाहून तुम्हालाही आठवेल तुमचे बालपण
@Enezator या ट्विटर अकाउंटवरून हा व्हिडीओ शेअर करण्यात आला असून, युजर्सनी या व्हिडीओवर संताप व्यक्त केला आहे. एका युजरने लिहिलंय, ‘ही घटना खूप धक्कादायक आहे’; तर आणखी एका युजरने लिहिलं आहे, ‘पालकांनी आपल्या मुलांकडे लक्ष द्यायला पाहिजे.’ अनेक युजर्सनी या माकडाला ‘Bad Monkey’ म्हणून संबोधलं आहे.
