Viral video: सोशल मीडियावर दररोज हजारो व्हिडीओ व्हायरल होत असतात. ज्यामध्ये काही आपलं मनोरंजन करणारे असतात, तर काही आपल्याला भावूक करणारे. आपल्याला माहिती आहे, आई-वडिल आपल्या मुलांना मोठं करतना अपार कष्ट घेतात आणि मुलांना चांगलं शिक्षण देतात. हेच कष्ट डोळ्यासमोर ठेऊन काही मुलं मात्र आई-वडिलांचं नाव मोठं करतात. सध्या असाच एक आपणाला भावूक करणारा आणि आई-मुलाच्या नात्यातील निस्वार्थ प्रेम दाखवणाऱ्या घटनेचा व्हिडीओ व्हायरल होत आहे. जो पाहून तुम्हालाही व्हिडीओतील आईसह मुलाचा अभिमान वाटल्याशिवाय राहणार नाही.
मुलाला वर्दीत पाहण्यासारखं सुख नाही
या व्हिडीओमध्ये पाहू शकता, आई घर कामात व्यस्त असताना तिला दरवाजावर आवाज येतो. कोणतीही कल्पना नसताना लेकाचा आवाज ऐकून आई दार उघडते आणि डोळ्यासमोर पोलीस वर्दीत लेकाला पाहून तिचा आनंद गगणात मावत नाही. मुलाला पोलिसांच्या वर्दीत पाहून माऊली डोक्याला हात लावते. तिच्या डोळ्यांवर तिला विश्वास बसत नाही. त्यानंतर त्याला घट्ट मिठी मारते, यावेळी तिच्या डोळ्यातील अश्रू थांबत नव्हते. प्रत्येक आईसाठी लेकाचा यश हे जगातील सर्वात मोठं सुख आणि अनमोल क्षण असतो.
पाहा व्हिडीओ
हेही वाचा – Video: माय-लेकाची ५ वर्षांनी झाली भेट, आईला पाहताच लेकानं थेट खांद्यावर घेतलं उचलून
हृदयाला भिडणारा आणि भावनिक असा एक आई मुलाचा व्हिडीओ नेटकऱ्यांना भावूक करत आहे. १८ सेकंदांच्या या व्हिडीओनं नेटकऱ्यांच्याही डोळ्यात पाणी आणलं.
