गुटखा खाणाऱ्या सुनेला कंटाळून सासूने केली पोलिसांत तक्रार, म्हणाली “सर्वांना यार म्हणते आणि घरात…”

मिळालेल्या माहितीनुसार, सासू आपल्या सुनेच्या या कृत्याने इतकी नाराज झाली की तिने पोलीस स्टेशन गाठले आणि सुनेविरुद्ध तक्रार दाखल केली. यावेळी सासूने पोलिसांना सांगितले की, माझी सून कुणाशी तरी ‘यार-यार’ म्हणत गुटखा खाते, इतकेच नव्हे तर गुटखा खाल्ल्यानंतर ती घरात कुठेही थुंकते. शिवाय सुनेला असं करु नको सांगितल तर ती माझं ऐकत नाही असंही सासूने सांगितलं.

हेही पाहा- काम असं करा की लोकांनी तुमच्यावर फुलांची उधळण केली पाहिजे, लोकांचं प्रेम पाहून भारावल्या IAS अधिकारी, व्हायरल VIDEO पाहाच

पोलिसांनी प्रकरण कुटुंब समुपदेशन केंद्रात पाठवले

पोलिसांनी हे प्रकरण कुटुंब समुपदेशन केंद्राकडे पाठवले. पोलीस व समुपदेशकाने सासू व सुनेचे म्हणणे ऐकून घेतले. जिथे सासूने गुटख्याचे रॅपर बरोबर आणले होते. सासूने पोलिसांना सांगितले की, पाच महिन्यांपूर्वी तिच्या मुलाचे लग्न झाले होते. सासरच्या घरातील सर्वांशी नीट वागावे, अशी विनंती सासूने पोलिसांना आपल्या सुनेला समजावून सांगण्याची विनंती केली आहे. शिवाय तिची गुटखा खाण्याची आणि सर्वांशी यार म्हणून बोलण्याची सवय सोडवा, अशी मागणीही सासुने पोलिलांकडे केली आहे. तर या अनोख्या आणि विचित्र सासू-सुनेच्या भांडणाची सध्या मोठ्या प्रमाणात चर्चा सुरु आहे.